ગુજરાત
આરટીઓમાં મોટરકાર માટે ડ્રાઇવિંગ ટેસ્ટ ટ્રેક ફરી બે દિવસ બંધ
અરજદારોને ધક્કો થતા રોષ ફેલાયો
રાજકોટ આરટીઓ કચેરીમાં ફરીથી બે દિવસ માટે ડ્રાઇવીંગ ટેસ્ટ ટ્રેક બંધ કરી દેવામાં આવ્યો છે. છેલ્લા બે મહીનામાં અસંખ્યવાર ટેસ્ટ ટ્રેકમાં કામગીરી બંધ કરવામાં આવતા અરજદારોને ભારે હાલાકી સહન કરવી પડી રહી છે.
આરટીઓ દ્વારા જાહેર કરેલી યાદી મુજબ આજે અને આવતીકાલના રોજ ટેકનીકલ કારણોસર બંધ રહેશે. જયારે બાઇક માટેનો ટ્રેક ચાલુ રહેશે તેમ કહ્યું હતું. છેલ્લા ઘણા સમયથી આરટીઓના ડ્રાઇવીંગ ટેસ્ટ ટ્રેકમાં ખામી સર્જાવાના કારણે અવાર નવાર કામગીરી બંધ કરવી પડી છે. ત્યારે વધુ એક વખત ટ્રેક બંધ કરવામાં આવ્યો છે.
આરટીઓના ડ્રાઇવીંગ ટેસ્ટ ટ્રેકમાં અવારનવાર થતી ક્ષતીના કારણે અમદાવાદની ટીમ પણ બોલાવી હતી અને સિસ્ટમ અમદાવાદ ખાતે પાછી મોકલવામાં આવી હતી છતા પણ ખોખો ડેલીએ હાથ દઇ આવ્યો હોય તેવો ઘાટ સર્જાયો છે. બે દિવસ બંધ રહેતા અરજદારોને કચેરી ખાતે ધરમનો ધક્કો થયો હતો.