ગુજરાત
ધનતેરસે રેકોર્ડ બ્રેક ભાવ વચ્ચે સોનાની ખરીદીનું શુકન સાચવતા લોકો
રાજકોટ સહિત દેશભરમાં આજે સોનાના રેકોર્ડબ્રેક ભાવ વચ્ચે લોકોએ ધનતેરસે સોનાની ખરીદીનું શુકન સાચવ્યું હતું. શહેરની સોની બજાર અને અન્ય વિસ્તારમાં આવેલી જવેલર્સની દુકાનો તથા શો-રૂમમાં સવારથી જ ઘરાકી જોવા મળતી હતી.
જો કે, સોની વેપારીઓનું કહેવું છે કે, સોનાના રેકોર્ડબ્રેક ભાવોના કારણે આ વર્ષે ઘરેણાંની ખરીદી ઓછી અને ગિનીની ખરીદી વધુ જોવા મળે છે લોકો માત્ર શુકન સાચવવા પૂરતી સોનાની ટોકન ખરીદી કરી રહ્યા છે. ઘરેણાંની મોટી ખરીદીથી દૂર જ રહ્યા છે. (તસવીર : મુકેશ રાઠોડ)