ગુજરાત
હળવદની નર્મદા કેનાલમાં મહિલા અને પુરુષ ડૂબ્યા
હળવદ શહેરમાંથી પસાર થતી ધાંગધ્રા બ્રાન્ચની નર્મદા કેનાલમાં બે દિવસ પહેલાના સમયે કોઈ અજાણી મહિલા નર્મદા કેનાલમાં ડૂબી હોવાને લઈ બે દિવસથી શોધખોળ કરવામાં આવી રહી છે તેમજ ગઈકાલે સુખપર પાસેથી એક યુવાને કેનાલમાં ઝંપલાવતા તેની પણ ફાયર બ્રિગેડ દ્વારા શોધખોળ કરવામાં આવી રહી છે. વધુ વિગતો મુજબ,બે દિવસ પહેલા બપોરના આસપાસ હળવદ હાઇવે પર આવેલ હોટલ પરિશ્રમ પાછળથી પસાર થતી ધાંગધ્રા બ્રાન્ચની નર્મદા કેનાલમાં કોઈ અજાણી મહિલા કેનાલમાં ડૂબી હોવાને લઈ હળવદ ફાયરની ટીમ ઘટના સ્થળે પહોંચી છે અને હાલ ડૂબી ગયેલી મહિલાની શોધખોળ હાથ ધરવામાં આવી છે.તેમજ બીજા દિવસે સુખપર પાસેથી યુવાને નર્મદા કેનાલમાં ઝંપલાવ્યું હતું.હાલ મોરબી મહાનગર પાલિકાની ફાયર બ્રિગેડનો સ્ટાફ છેલ્લા 24 કલાકથી બંનેની શોધખોળ કરી રહ્યો છે.