ગુજરાત
વધુ એક યુવકને હૃદય-રોગનો હુમલો ભરખી ગયો, ગોધરામાં 45 વર્ષીય યુવકનું હાર્ટ એટેકથી મોત
હાલ રાજ્યમાં દિવસે ને દિવસે હાર્ટઅટેકના કિસ્સાઓમાં ચિંતાજનક વધારો થઇ રહ્યો છે. ત્યારે વધુ એક કિસ્સો ગોધરામાંથી સામે આવ્યો છે. ગોધરામાંમાં કિસાન સોસાયટી વિસ્તારમાં રહેતા 45 વર્ષના ઈસહાક હુસેન સુરતી નામના યુવકનું હાર્ટ એટેકથી મોત થયું છે.
મળતી વિગતો મુજબ મોડી રાત્રે અચાનક તબીયત લથડતાં 45 વર્ષીય યુવકને ખાનગી હોસ્પિટલ ખાતે સારવાર અર્થે ખસેડવામાં આવ્યો. જ્યાં ટૂંકી સારવાર દરમિયાન તેનું મોત થયું હતું. યુવકના મોતથી પરિવારમાં શોકનો માહોલ છવાયો. ગોધરા શહેર ખાતે એક જ મહીનામાં હાર્ટ એટેકનાં કારણે યુવાનોનાં મોતની આ ત્રીજી ધટના સામે આવી છે.આજે ખરાબ જીવનશૈલી અને ખાનપાનને કારણે હાર્ટ એટેકનો ખતરો ઝડપથી વધી રહ્યો છે. ભારતમાં છેલ્લા ત્રણ વર્ષમાં હાર્ટ એટેકથી મૃત્યુ પામનારાઓની સંખ્યામાં નોંધપાત્ર વધારો થયો છે.