મુખ્યમંત્રી બન્યા બાદ ‘થલાપતિ’નો પહેલો નિર્ણય, સરકારી દુકાનો પણ બંધ કરાશે
તમિલનાડુના મુખ્યમંત્રી વિજયે યુવાનોને માદક દ્રવ્યોના દુરૂૂપયોગથી દૂર રાખવા માટે એક મહત્વપૂર્ણ પગલું ભર્યું છે. મુખ્યમંત્રીએ મંદિરો, મસ્જિદો, ચર્ચો, શાળાઓ, કોલેજો અને બસ સ્ટેન્ડની 500 મીટરની ત્રિજ્યામાં આવતી દારૂૂની દુકાનો બંધ કરવાનો આદેશ આપ્યો છે. આ પગલામાં 717 દારૂૂના આઉટલેટનો સમાવેશ થાય છે.
તમિલનાડુના મુખ્યમંત્રી પદ સંભાળ્યા પછી, ’થલાપતિ’ વિજય એક પછી એક મોટા નિર્ણયો લઈ રહ્યા છે. મુખ્યમંત્રી વિજયે હવે રાજ્યભરમાં ધાર્મિક સ્થળો, શૈક્ષણિક સંસ્થાઓ અને બસ સ્ટેન્ડની નજીક કાર્યરત 717 સરકારી સંચાલિત દારૂૂની દુકાનો બંધ કરવાનો આદેશ જારી કર્યો છે.
મુખ્યમંત્રી વિજયે પોતાના આદેશમાં જણાવ્યું હતું કે રાજ્યમાં મંદિરો, મસ્જિદો, ચર્ચો, શાળાઓ, કોલેજો અને બસ સ્ટેન્ડની 500 મીટરની ત્રિજ્યામાં આવેલી તમામ દારૂૂની દુકાનો બંધ કરવામાં આવશે. તમિલનાડુ સ્ટેટ માર્કેટિંગ કોર્પોરેશન (TASMAC) \ને આગામી બે અઠવાડિયામાં આ દુકાનો સ્થાનાંતરિત કરવાનો નિર્દેશ આપવામાં આવ્યો છે.
રવિવારે, તમિલનાડુના મુખ્યમંત્રી તરીકે શપથ લીધા પછી તરત જ, વિજયે ત્રણ મોટી જાહેરાતો કરી હતી. શપથ ગ્રહણ સમારોહના થોડા કલાકોમાં જ, વિજય વહીવટીતંત્ર દ્વારા લેવામાં આવેલા નિર્ણયો ’સામાજિક સુધારણા’ તરફ નોંધપાત્ર પગલાં હોવાનું જણાય છે.
તમિલનાડુ સરકારના ડેટા અનુસાર, રાજ્યમાં હાલમાં કુલ 4,765 ’TASMAC’ દારૂૂની દુકાનો કાર્યરત છે. નવી નીતિ હેઠળ, બંધ કરવા માટે ઓળખાયેલી 717 દુકાનોમાં ધાર્મિક સ્થળોની નજીક આવેલી 276 દુકાનો, શૈક્ષણિક સંસ્થાઓની નજીકની 186 દુકાનો અને બસ સ્ટેન્ડની નજીકની 255 દુકાનોનો સમાવેશ થાય છે.
આ પહેલા, સીએમ વિજયે માદક દ્રવ્યોની હેરફેર અને વેચાણને રોકવા માટે એક ખાસ ઝુંબેશ શરૂૂ કરવાની જાહેરાત કરી હતી. તેમણે એમ પણ કહ્યું હતું કે જાહેર સ્થળોએ મહિલાઓની સુરક્ષા સુનિશ્ચિત કરવા માટે પોલીસ પેટ્રોલિંગ વધારવામાં આવશે. વધુમાં, સામાન્ય જનતાને નોંધપાત્ર નાણાકીય રાહત આપતા, વિજયે જાહેરાત કરી હતી કે ઘરેલુ ગ્રાહકોને 200 યુનિટ સુધીનો વીજળીનો વપરાશ મફતમાં આપવામાં આવશે.
