ગ્રાહકોના ભારે વિરોધ બાદ, ICICI બેંકે શહેરી વિસ્તારોમાં નવા ગ્રાહકો માટે લઘુત્તમ સરેરાશ બેલેન્સ (MAB)ની જરૂૂરિયાત 50,000થી ઘટાડીને 15,000 કરી છે. અગાઉ બેંકે આ રકમ 10,000 થી સીધી ₹50,000 કરી દીધી હતી, જેનાથી ગ્રાહકોમાં નારાજગી ફેલાઈ હતી. આ સુધારેલો નિયમ ભલે જૂની મર્યાદા કરતાં થોડો વધારે હોય, પરંતુ તે ગ્રાહકોને મોટી રાહત આપશે.ICICI બેંકે તાજેતરમાં શહેરી ગ્રાહકો માટે લઘુત્તમ બેલેન્સની મર્યાદા ₹10,000 થી વધારીને ₹50,000 કરી હતી, જેનો ભારે વિરોધ થયો હતો. આ વિરોધને પગલે બેંકે હવે આ મર્યાદા ઘટાડીને ₹15,000 કરી છે. નાના શહેરો (અર્ધ-શહેરી વિસ્તારો) માટે પણ આ રકમ ₹25,000 થી ઘટાડીને ₹7,500 કરવામાં આવી છે.
ગ્રામીણ વિસ્તારોના ગ્રાહકો માટે આ મર્યાદા યથાવત ₹5,000 રહેશે. આ નવો નિયમ 1 ઓગસ્ટથી અમલમાં આવ્યો છે. દેશની સૌથી મોટી બેંક, એસબીઆઇ, 2020 માં મિનિમમ બેલેન્સનો નિયમ નાબૂદ કરી ચૂકી છે, જ્યારે અન્ય બેંકો સામાન્ય રીતે ₹2,000 થી ₹10,000 સુધીની લિમિટ રાખે છે. અર્ધ-શહેરી વિસ્તારોના નવા ગ્રાહકો માટે પણ લઘુત્તમ બેલેન્સની મર્યાદા 25,000 થી ઘટાડીને 7,500 કરવામાં આવી છે. જોકે, ગ્રામીણ અને અર્ધ-શહેરી વિસ્તારોના જૂના ગ્રાહકો માટે આ મર્યાદા પહેલાની જેમ જ 5,000 રહેશે. આ નવા નિયમો 1 ઓગસ્ટથી અમલમાં આવ્યા છે. બેંકો તેમના ગ્રાહકોને વિવિધ સેવાઓ જેવી કે અઝખ સુવિધા, મોબાઈલ બેંકિંગ, ગ્રાહક સપોર્ટ અને ડિજિટલ સેવાઓ પૂરી પાડે છે.
આ સેવાઓનો ખર્ચ, ઓફિસના જાળવણી ખર્ચ અને સ્ટાફના પગાર જેવા ખર્ચાઓને પહોંચી વળવા માટે બેંકો મિનિમમ બેલેન્સનો નિયમ લાગુ કરે છે. જો ગ્રાહક આ મર્યાદા જાળવી ન શકે, તો તેના પર દંડ વસૂલવામાં આવે છે.
