પેન્શન ઉપરાંત બ્રાન્ડ થકી મોટી આવક
ભારતીય ક્રિકેટના સૌથી સફળ કેપ્ટનોમાંના એક, મહેન્દ્ર સિંહ ધોનીએ આંતરરાષ્ટ્રીય ક્રિકેટમાંથી નિવૃત્તિ લીધાને છ વર્ષ થઈ ગયા છે. જોકે, મેદાન છોડ્યા પછી પણ તેની કમાણી ઓછી થઈ નથી. IPL, બ્રાન્ડ એન્ડોર્સમેન્ટ, વ્યવસાય અને BCCI તરફથી પેન્શન જેવા વિવિધ માધ્યમો દ્વારા તેની આવક ચાલુ છે.
તેથી ક્રિકેટમાંથી નિવૃત્તિ લીધા પછી પણ તે દેશના સૌથી વધુ કમાણી કરનારા ક્રિકેટરોમાંનો એક છે. ધોનીએ ભારત માટે 90 જેટલી ટેસ્ટ મેચ રમી છે. BCCI ની વર્તમાન પેન્શન સિસ્ટમ અનુસાર, 25 કે તેથી વધુ ટેસ્ટ મેચ રમનારા ભૂતપૂર્વ પુરુષ ક્રિકેટરોને દર મહિને 70,000 રૂૂપિયા પેન્શન આપવામાં આવે છે. તેથી ધોનીને પણ આ યોજનાનો લાભ મળતો જ હશે. આંતરરાષ્ટ્રીય ક્રિકેટમાંથી નિવૃત્તિ લીધા પછી પણ, ધોનીની IPLમાં દેખાય છે.
ચેન્નાઈ સુપર કિંગ્સે તેને 2026 સીઝન માટે 4 કરોડ રૂૂપિયામાં રિટેન કર્યો હતો. આ રકમ, જો 12 મહિનામાં વહેંચવામાં આવે તો, દર મહિને લગભગ 33.3 લાખ રૂપિયા થાય છે. ધોનીની આવકનો સૌથી મોટો ભાગ બ્રાન્ડ એન્ડોર્સમેન્ટ અને જાહેરાતોમાંથી આવે છે. સૂત્રો અનુસાર, તેની વાર્ષિક આવક 75 કરોડ રૂૂપિયાથી વધુ હોવાનું કહેવાય છે.
