મરાઠી થ્રિલર ફિલ્મ ’ગોંધલ’ ઓસ્કર 2027 માટે ભારતની ઓફિશિયલ એન્ટ્રી હશે. ફિલ્મ ફેડરેશન ઓફ ઈન્ડિયાએ શુક્રવારે 18 સપ્ટેમ્બરના રોજ તેનું એલાન કર્યું. સંતોષ દવાખરના નિર્દેશનમાં બનેલી ફિલ્મે 99માં એકેડમી એવોર્ડ્સમાં બેસ્ટ ઈન્ટરનેશનલ ફીચર કેટેગરીમાં દેશને રીપ્રેઝેન્ટ કરશે. ફિલ્મમેકરે ઈન્ટરનેશનલ ફિલ્મ ફેસ્ટિવલ ઓફ ઈન્ડિયા 2025માં સિલ્વર પીકોક એવોર્ડ જીત્યો હતો.
ઓસ્કર માટે કુલ 33 ફિલ્મો સબમિટ થઈ હતી, જેમાંથી 14 હિન્દીમાં હતી. મરાઠી, તેલુગૂ અને ગુજરાતીમાં ચાર-ચાર ફિલ્મો હતી. ત્રણે ફિલ્મો તમિલમાંથી હતી અને એક-એક ફિલ્મ મલયાલમ અને નાગામીઝ ભાષામાં હતી. તેમાંથી એક સાઈલન્ટ ફિલ્મ પણ હતી. ગત વર્ષે નીરજ ધેવાનની નિર્દેશિત ફિલ્મ હોમબાઉન્ડને ઓસ્કર માટે ભારતની ઓફિશિયલ એન્ટ્રી તરીકે સિલેક્ટ કરવામાં આવી હતી. ઈશાન ખટ્ટર અને વિશાલ જેઠવાની મુખ્ય ભૂમિકાવાળી ફિલ્મ ઓસ્કરની લોંગ લિસ્ટમાં જગ્યા બનાવી શકી નહોતી.
એકેડમી એવોર્ડ્સના 99માં એડિશન 14 માર્ચ 2027ના રોજ લોસ એંજિલ્સના ડોલ્બી થિયેટરમાં આયોજિત થશે. મરાઠી થ્રિલર ફિલ્મ ગોંધલ ખૂબ જ વખાણાઈ ચૂકી છે. ઓસ્કરમાં એન્ટ્રી પહેલા જ ફિલ્મ ત્રણ એવોર્ડ જીતી ચૂકી હતી. ફિલ્મે 2025માં 56માં ઈન્ટરનેશનલ ફિલ્મ ફેસ્ટિવલમાં બેસ્ટ ડાયરેક્ટર માટે સિલ્વર પીકોક એવોર્ડ જીત્યો હતો. સાથે જ 17માં બેંગલુરુ ઈન્ટરનેશનલ ફિલ્મ ફેસ્ટિવલમાં ’’FIPRESCI એવોર્ડ’ પણ પોતાનો નામે કર્યો હતો. આ ઉપરાંત પુણે ઈન્ટરનેશનલ ફિલ્મ ફેસ્ટિવલમાં 2026માં તેણે બેસ્ટ ડાયરેક્ટર અને બેસ્ટ સિનેમોટોગ્રાફરનો એવોર્ડ જીત્યો હતો. તેણે 22માં થર્ડ આઈ એશિયાઈ ઈન્ટરનેશનલ ફિલ્મ ફેસ્ટિવલ માં પણ બેસ્ટ ડાયરેક્ટરનો ખિતાબ જીત્યો હતો.
ગોંધલમાં કોઈ મોટો સ્ટાર નથી. તેમાં ઈશિતા દેશમુખ, યોગેશ સોહોની, કિશોર કદમ, સુરેશ વિશ્વકર્મા જેવા કલાકારોએ સારું કામ કર્યું છે. ફિલ્મમાં એક ગામની મજેદાર પણ ઊંડી કહાની દેખાડી છે. જેમાં માણસની નબળાઈ, સપના અને પરંપરાઓની વચ્ચે ટકરાવ જોવા મળે છે. ફિલ્મમાં લોક કહાનીઓને આજની સ્થિતિના હિસાબથી રજૂ કરવામાં આવી છે, જે દર્શકોને અસલ જિંદગીના અનુભવોની નજીક લઈ જાય છે.