પશ્ચિમ રેલવેના વડોદરા ડિવિઝનમાં વડોદરા સ્ટેશન યાર્ડ રિમોડલિંગ અને ઈલેક્ટ્રોનિક ઈન્ટરલોકિંગ સિસ્ટમના કમિશનિંગ કામગીરી માટે બ્લોક લેવામાં આવશે. રાજકોટ ડિવિઝનના સિનિયર ડિવિઝનલ કોમર્શિયલ મેનેજર સુનિલકુમાર મીનાના જણાવ્યા અનુસાર, આ બ્લોકના કારણે ટ્રેન નંબર 22960 જામનગરવડોદરા ઈન્ટરસિટી 21 જૂનથી 8 જુલાઈ, 2026 સુધી બાજવા સ્ટેશન પર શોર્ટ ટર્મિનેટ (યાત્રા ટૂંકાવવામાં) કરવામાં આવશે અને બાજવાવડોદરા વચ્ચે આંશિક રીતે રદ રહેશે અને ટ્રેન નંબર 22959 વડોદરાજામનગર ઈન્ટરસિટી 21 જૂનથી 8 જુલાઈ, 2026 સુધી બાજવા સ્ટેશનથી શોર્ટ ઓરિજિનેટ (શરૂૂ) કરવામાં આવશે અને વડોદરા-બાજવા વચ્ચે આંશિક રીતે રદ રહેશે.
મુસાફરોને વિનંતી છે કે તેઓ મુસાફરી કરતા પહેલા ટ્રેનના સમય, સ્ટોપેજ અને અન્ય નવીનતમ માહિતી માટે રેલવેની સત્તાવાર વેબસાઇટ enquiry. indianrail.gov.in ની મુલાકાત લે.
