અગાઉ ત્રણ મહિનામાં બાળ સુરક્ષા નીતિ તૈયાર કરવાના આદેશનો ઉલાળિયો, વધુ સમય માંગતા હાઇકોર્ટની આકરી ઝાટકણી, એક અઠવાડિયામાં નીતિ તૈયાર કરવા આદેશ
ગુજરાત હાઈકોર્ટે રાજ્ય સરકારને બાળ સુરક્ષા નીતિ તૈયાર કરવામાં વિલંબ બદલ કડક ફટકાર કરી છે. કોર્ટે સરકારને આગાહી આપી છે કે તે હાઈકોર્ટ તેમજ સુપ્રીમ કોર્ટના આદેશોને અવગણી રહી છે.
બાળ સુરક્ષા સંબંધિત જાહેર હિતની અરજીની સુનાવણી કરતી વખતે હાઈકોર્ટે સરકારની વર્તણૂક પર નારાજગી વ્યક્ત કરી. કોર્ટે જણાવ્યું કે ડ્રાફ્ટ નીતિ તૈયાર થયા પછી એક વર્ષથી વધુ સમય વીતી ગયો છે, છતાં હજુ સુધી અંતિમ નીતિ તૈયાર કરવામાં આવી નથી. સરકારને શરૂૂઆતમાં 90 દિવસનો સમય આપવામાં આવ્યો હતો, પરંતુ તેનું પાલન થયું નથી.
કોર્ટે સ્પષ્ટપણે કહ્યું, છેલ્લા એક વર્ષમાં સરકાર શું કરી રહી છે? ડ્રાફ્ટ નીતિ તૈયાર થયા પછી એક વર્ષથી વધુ સમય વીતી ગયો છે. તમને 90 દિવસ આપવામાં આવ્યા હતા, પરંતુ એક વર્ષ પછી પણ નીતિ અંતિમ સ્વરૂૂપે તૈયાર કરવામાં આવી નથી. તમે કોર્ટના આદેશનું અવમાન કરી રહ્યા છો.
સરકાર તરફથી વધારાનો સમય માંગવામાં આવ્યો હતો, જેને કોર્ટે નકારી કાઢ્યો છે. બેન્ચે માત્ર એક અઠવાડિયાનો સમય આપીને પાલન કરવાનો આદેશ આપ્યો છે. સુનાવણી દરમિયાન સરકારે જણાવ્યું કે વિવિધ ઉદ્યોગો પાસેથી મેળવેલી માહિતી બાળ મજૂરી સાથે સંબંધિત નથી. તેમણે એ પણ કહ્યું કે અન્ય રાજ્યોની બાળ સુરક્ષા નીતિઓનો અભ્યાસ કરવામાં આવી રહ્યો છે.
અરજીકર્તાએ કોર્ટ સમક્ષ રજૂઆત કરી કે અનેક રાજ્યોએ પહેલેથી જ બાળ સુરક્ષા નીતિ તૈયાર કરીને અમલમાં મૂકી દીધી છે, જ્યારે ગુજરાત હજુ પણ આવી નીતિ વિના છે. હાઈકોર્ટે આ મામલાની આગામી સુનાવણી એક અઠવાડિયા પછી નક્કી કરી છે. આ કેસ બાળકોની સુરક્ષા અને તેમના અધિકારોના મુદ્દે મહત્વપૂર્ણ માનવામાં આવી રહ્યો છે.
