દિલ્હીના અમર કોલોની વિસ્તારમાં, એક વરિષ્ઠ IRS અધિકારીની 22 વર્ષીય પુત્રીની તેના ઘરમાં હત્યા કરવામાં આવી હતી. પોલીસે બુધવારે ઘટનાની વિગતો જાહેર કરી. પ્રાથમિક તપાસમાં જાણવા મળ્યું છે કે યુવતી પર પહેલા જાતીય હુમલો કરવામાં આવ્યો હતો અને ત્યારબાદ મોબાઇલ ફોન ચાર્જિંગ કેબલનો ઉપયોગ કરીને ગળું દબાવીને હત્યા કરવામાં આવી હતી.
માહિતી મળતાં, પોલીસ ટીમ ઘટનાસ્થળે દોડી ગઈ અને તપાસ શરૂૂ કરી. પરિવારે ભૂતપૂર્વ ઘરેલુ સહાયક પર શંકા વ્યક્ત કરી છે જેને લગભગ દોઢ મહિના પહેલા નોકરીમાંથી કાઢી મૂકવામાં આવી હતી. શંકાસ્પદ આરોપી હાલમાં ફરાર હોવાનું જાણવા મળ્યું છે. પોલીસના જણાવ્યા અનુસાર, તેઓ જાતીય શોષણના આરોપોની પુષ્ટિ કરવા માટે ફોરેન્સિક તપાસના પરિણામો અને પોસ્ટમોર્ટમ રિપોર્ટની રાહ જોઈ રહ્યા છે.
અધિકારીઓના જણાવ્યા અનુસાર, ઘટના સમયે યુવતી ઘરે એકલી હતી. તે સમયે પરિવારના અન્ય સભ્યો ક્યાં હતા તે અંગેની માહિતી હજુ સુધી સામે આવી નથી. પોલીસે જણાવ્યું હતું કે કેસ નોંધવામાં આવ્યો છે, અને આરોપીને શોધવા માટે અનેક ટીમો બનાવવામાં આવી છે. વધુ તપાસ ચાલી રહી છે. IRS અધિકારીના નિવાસસ્થાને મોટી પોલીસ ટુકડી તૈનાત કરવામાં આવી છે. આ ઘટના અંગે હાલમાં કોઈ વધુ વિગતો બહાર આવી નથી.