IPLની 19મી સીઝનને શરૂ થવામાં હવે થોડા જ દિવસો બાકી છે. આ દરમિયાન એક મોટા સમાચાર સામે આવ્યા છે. IPLની ટીમ રાજસ્થાન રૉયલ્સને અમેરિકન બિઝનેસમેન કાલ સોમાણીએ 15286 કરોડમાં ખરીદી લીધી છે. આ સોદા સાથે, રાજસ્થાન રોયલ્સ વિશ્વની સૌથી મૂલ્યવાન ફ્રેન્ચાઇઝી બની ગઈ છે.
અહેવાલો અનુસાર કાલ સોમાણીએ IPL ફ્રેન્ચાઇઝી રાજસ્થાન રૉયલનું સંપૂર્ણ હિસ્સો 1.63 બિલિયન ડૉલરની મોટી રકમમાં ખરીદી લીધી છે. સૂત્રોના જણાવ્યા અનુસાર, આ સોદો આગામી 4-5 દિવસમાં સત્તાવાર રીતે જાહેર થઈ શકે છે.
એવું અહેવાલ છે કે કાલ સોમાણીએ ઇન્ટ્રાએજ એકેડેમિયન અને ટ્રુયો.એઆઈના સ્થાપક છે. આ કન્સોર્ટિયમને અમેરિકન ઉદ્યોગપતિ રોબ વોલ્ટનનું પણ સમર્થન છે, જે વોલમાર્ટ પરિવાર સાથે સંકળાયેલા છે. વધુમાં, હેમ્પ પરિવાર – ડેટ્રોઇટ લાયન્સના માલિકો – પણ આ જૂથનો ભાગ છે. અહેવાલો અનુસાર આ નવા માલિકી માળખાની અસર 2026 IPL સીઝનથી દેખાવા લાગે તેવી અપેક્ષા છે.
આ નવા સોદા પહેલા, બ્રિટિશ-ભારતીય ઉદ્યોગપતિ મનોજ બડાલે રાજસ્થાન રોયલ્સમાં 65% હિસ્સો ધરાવતા હતા. જોકે, હવે સંપૂર્ણ 100% માલિકી કાલ સોમાણીની રહેશે. તેમ છતાં, આ સોદો ભારતીય ક્રિકેટ કંટ્રોલ બોર્ડ (BCCI)ની મંજૂરીને આધીન છે અને ટૂંક સમયમાં ઔપચારિક રીતે હસ્તાક્ષર થવાની અપેક્ષા છે.