જામનગર શહેરના નૂરી ચોકડી વિસ્તારમાં આવેલી ઇદ્રસપીરની દરગાહ પાસે ગત મોડી રાત્રે અકસ્માતમાં એક યુવાનનું મૃત્યુ નીપજ્યું હતું, જ્યારે અન્ય ત્રણ યુવાનો ઇજાગ્રસ્ત થયા હતા.
આ અંગે મળતી માહિતી મુજબ, કાળા રંગની થાર ગાડીએ આઇ-20 કારને પાછળ થી ટક્કર મારતાં કાર એક ખાનગી કંપનીની બસ સાથે અથડાઈ હતી. અકસ્માતમાં આઇ-20માં સવાર અફઝલ રહીમભાઇ ચાવડા નામના યુવાનનું ઘટના સ્થળે જ મોત નીપજ્યું હતું.
અન્ય ત્રણ ઇજાગ્રસ્ત યુવાનોને તાત્કાલિક સારવાર માટે સરકારી જી.જી.હોસ્પિટલમાં ખસેડવામાં આવ્યા હતા.
આ બનાવની જાણ થતાં સિટી-એ ડિવિઝન પોલીસ સ્ટેશનના પીઆઇ વી.એમ.ડોડીયા ઘટના સ્થળે દોડી ગયા હતા. આ બનાવ અકસ્માત છે કે કોઈ કાવતરૂૂ, તે અંગે પીઆઇ વી.એમ.ડોડીયા દ્વારા વધુ તપાસ હાથ ધરવામાં આવી છે.
