પ્લેન ક્રેશ કે કુદરતી હોનારત કે માનવ સર્જિત દુર્ઘટનામાં કામ આવી શકે તેમ માટે વડોદરા શહેરની ગોત્રી હોસ્પિટલમાં અત્યાધુનિક મોબાઈલ પોસ્ટમોર્ટમ રૂૂમ અને કોલ્ડ સ્ટોરેજ સુવિધા શરૂૂ કરવામાં આવી હતી. આ રાજ્યની પ્રથમ મોબાઈલ પોસ્ટમોર્ટમ રૂૂમ અને કોલ્ડ સ્ટોરેજ સુવિધા છે. આ સુવિધાના કારણે સ્થળ પર જ મૃતદેહને કોલ્ડ સ્ટોરેજમાં રાખી શકાશે અને ઇમરજન્સીમાં સ્થળ પર જ પોસ્ટમોર્ટમ કરી શકાશે.
નેશનલ મેડિકલ કમિશનની ગાઈડલાઈન્સ મુજબ ડીકમ્પોઝ થયેલી બોડીના પોસ્ટમોર્ટમ માટે અલગ પોસ્ટમોર્ટમ રૂૂમ હોવો જોઈએ. આ જરૂૂરિયાતને ધ્યાનમાં રાખીને ગોત્રી હોસ્પિટલમાં મોબાઈલ (મુવેબલ) પોસ્ટમોર્ટમ રૂૂમ અને કોલ્ડ સ્ટોરેજથ સુવિધા ધરાવતું એક ખાસ ક્ધટેનર મૂકવામાં આવ્યું છે.
આ ખાસ ક્ધટેનરમાં એકસાથે પોસ્ટમોર્ટમ કરી શકાય તેવી સુવિધા છે અને તેની સાથે 4થી 5 બોડીને કોલ્ડ સ્ટોરેજમાં રાખી શકાય તેવી પણ વ્યવસ્થા કરવામાં આવી છે. આ ક્ધટેનરની સૌથી મોટી વિશેષતા એ છે કે તે મુવેબલ છે. એટલે કે, કોઈ મોટી દુર્ઘટના, જેમ કે પ્લેન ક્રેશ અથવા કોઈ જંગલ વિસ્તારમાં ઘટના બને અને મૃતદેહોને હોસ્પિટલ સુધી લાવવાનું શક્ય ન હોય, ત્યારે આ ક્ધટેનરને ઘટનાસ્થળે પહોંચાડીને ત્યાં જ પોસ્ટમોર્ટમ કરી શકાશે અને મૃતદેહોને ત્યાં જ કોલ્ડ સ્ટોરેજમાં રાખી શકાશે.આ પ્રકારનો મુવેબલ પોસ્ટમોર્ટમ રૂૂમ અને કોલ્ડ રૂૂમ હાલમાં આખા ગુજરાતમાં ક્યાંય ઉપલબ્ધ નથી, જે ગોત્રી હોસ્પિટલની આ સુવિધાને અનોખી બનાવે છે. અમદાવાદ પ્લેન ક્રેશ જેવી મોટી દુર્ઘટનાની પરિસ્થિતિઓમાં આ સુવિધા અત્યંત ઉપયોગી સાબિત થશે. આ સુવિધા ગોત્રી હોસ્પિટલની ફોરેન્સિક મેડિસિન વિભાગની ક્ષમતામાં નોંધપાત્ર વધારો કરશે અને મૃતદેહોના સન્માનપૂર્વક નિકાલ અને તપાસમાં મદદરૂૂપ થશે.