કલોલ મામલતદાર કચેરીના નાયબ મામલતદાર રાકેશ કશનાભાઇ સુથારીયા આજે તેની ચેમ્બરમાં જ એક ખેડુત પાસેથી રૂા.10 હજારની લાંચ લેતા એસીબીના છટકામાં ઝડપાઇ ગયા હતા.
સર્કલ ઓફિસર કમ નાયબ મામલતદાર સુથારીયાએ ખેડુત પાસેથી સરકારી પડતર જમીન ખેતી માટે આપવાની અરજી સ્વીકારવા રૂા.1 લાખની લાંચ માંગી હતી અને એક સાથે લાંચ આપી ન શકે તો રૂા.10-10 હજારના માસીક હપ્તા કરી આપ્યા હતા.
આ પૈકી રૂા.10 હજારની લાંચ સર્કલ ઓફિસર રાકેશ સુથારીયા તેની ચેમ્બરમાં જ સ્વીકારતા એસીબી પંચમહાલ અને ગોધરાની ટીમે ઝડપી લીધા હતા.