ગોંડલ અને વીરપુર રેલવે સ્ટેશન વચ્ચે સવારે અજાણ્યા યુવાને ટ્રેન નીચે પડતું મૂકીને જીવન ટૂંકાવી લેતાં અરેરાટી વ્યાપી ગઈ છે. રેલવે પોલીસ દ્વારા આ મામલે અકસ્માતે મોત નો ગુનો નોંધીને મૃતકની ઓળખ મેળવવા સહિતની આગળની કાર્યવાહી હાથ ધરવામાં આવી છે.
પ્રાપ્ત વિગત અનુસાર સવારે 09:16 વાગ્યાના અરસામાં વેરાવળ થી રાજકોટ જઇ રહેલી લોકલ ટ્રેન હેઠળ વીરપુર ગોંડલ વચ્ચે આ ઘટના બની હતી. આશરે 25 વર્ષીય અજાણ્યા પુરુષે ત્યાંથી પસાર થતી ટ્રેન નંબર 59422 ની આગળ પડતું મૂકીને આપઘાત કરી લીધો હતો. આ બનાવ અંગેની જાણ ગોંડલના સ્ટેશન માસ્તર દ્વારા પોલીસને કરવામાં આવી હતી. ઘટનાની જાણ થતાં જ રેલવે પોલીસ ઘટનાસ્થળે દોડી ગઈ હતી અને જરૂરી કાર્યવાહી હાથ ધરી હતી.