ક્રાઇમ
17 વર્ષથી ફરાર ઇંગ્લિશ દારૂનો ધંધાર્થી ઝડપાયો
જામનગર જિલ્લામાં ગુનાખોરીને નાથવાના પ્રયાસોમાં પોલીસ દ્વારા સતત કાર્યવાહી કરવામાં આવી રહી છે. આ જ સંદર્ભમાં, જામનગર પેરોલ ફર્લો સ્કોડ દ્વારા એક મહત્વની સફળતા હાંસલ કરવામાં આવી છે. 17 વર્ષથી પોલીસને ચકમા આપી રહેલા ઇંગ્લીશ દારૂૂના ગુનામાં સંડોવાયેલા આરોપીને આખરે ઝડપી પાડવામાં આવ્યો છે.
જામનગર જિલ્લા પોલીસ અધિક્ષક અને ઇન્ચાર્જ પોલીસ અધિક્ષકના માર્ગદર્શન હેઠળ, એલ.સી.બી.ના પોલીસ ઇન્સપેક્ટરના સુચન મુજબ, પેરોલ ફર્લો સ્કવોડની ટીમે મળેલી બાતમીના આધારે જામનગર સપડા ગામમાંથી આરોપી નરશી પુનાને ઝડપી પાડ્યો હતો. આરોપી ધ્રોલ પોલીસ સ્ટેશનના પ્રોહીબિશનના એક ગુનામાં સંડોવાયેલ હતો અને 2008થી પોલીસને ચકમા આપી રહ્યો હતો. આરોપીને ઝડપી પાડવામાં પોલીસ સબ ઇન્સપેક્ટર વાય.બી.રાણા અને તેમની ટીમના અન્ય સભ્યો એ કાર્યવાહી કરી હતી.