ગુજરાત
વાંકાનેરના ચંદ્રપુર નજીક રસ્તો ઓળંગતા આધેડનું અકસ્માતમાં મોત
વાંકાનેર તાલુકાના ચંદ્રપુર ગામ નજીક નેશનલ હાઈવે પર શ્રીનાથજી વે- બ્રિજ સામે હિટ એન્ડ રનની ઘટનામાં રાત્રિના આઠેક વાગ્યાની આસપાસ રસ્તો ઓળંગતા એક આધેડને કોઈ અજાણ્યા કાર ચાલકે હડફેટે લેતા ગંભીર અકસ્માત સર્જાયો હતો, જેમાં ઇજાગ્રત વૃદ્ધનું સારવાર દરમિયાન મોત થયું હતું, જેથી આ બનાવમાં વાંકાનેર સીટી પોલીસે અજાણ્યા કાર ચાલક વિરુદ્ધ ગુનો નોંધી કાયદેસરની કાર્યવાહી હાથ ધરી છે.
બનાવની પ્રાપ્ત વિગતો મુજબ વાંકાનેર શહેર નજીક નેશનલ હાઇવે પર ચંદ્રપુર પાસે શ્રીનાથજી વે-બ્રિજ સામે ગત તા. 13 ના રોજ રાત્રીના આઠેક વાગ્યાની આસપાસ હિટ એન્ડ રનની ઘટનામાં રસ્તો ઓળંગતા ધારાભાઈ લવજીભાઈ વિકાણી (ઉ.વ. 45, રહે. રાતીદેવરી) નામના આધેડને અજાણ્યા કાર ચાલકે હડફેટે લેતા ગંભીર અકસ્માત સર્જાયો હતો, જેથી ઇજાગ્રસ્ત વૃદ્ધને તાત્કાલિક સારવાર અર્થે રાજકોટ હોસ્પિટલ ખાતે ખસેડવામાં આવ્યા હોય, જ્યાં સારવાર દરમિયાન તેમનું મોત થતાં આ બનાવ મામલે મૃતકના પુત્રએ વાંકાનેર સીટી પોલીસમાં અકસ્માત સર્જી નાશી જનાર અજાણ્યા કાર ચાલક વિરુદ્ધ ફરિયાદ નોંધાવી છે.