સિદ્ધાર્થ મલ્હોત્રા અને કિયારા અડવાણી માતા-પિતા બન્યા છે. કિયારાએ પુત્રીને જન્મ આપ્યો છે. કિયારાને સોમવારે મુંબઈની એચ.એન. રિલાયન્સ હોસ્પિટલમાં દાખલ કરવામાં આવી હતી, જ્યાં તેની નૉર્મલ ડિલિવરી થઈ હતી. 7 ફેબ્રુઆરી 2023ના રોજ લગ્ન કરનાર સિદ્ધાર્થે પાંચ મહિના પહેલા અભિનેત્રીની ગર્ભાવસ્થાના સમાચાર જાહેર કર્યા હતા.
કિયારાને તેની ડિલિવરીની તારીખના બે દિવસ પહેલા મુંબઈના ગિરગાંવ વિસ્તારમાં આવેલી એચએન રિલાયન્સ હોસ્પિટલમાં દાખલ કરવામાં આવી હતી. કિયારા અડવાણી અને બાળક બંને સ્વસ્થ છે. NDTVના અહેવાલ મુજબ, કિયારાની ડિલિવરી ઓગસ્ટમાં થવાની હતી, પણ તે જુલાઈમાં થઈ છે. હાલમાં, સિદ્ધાર્થ અને કિયારા તરફથી કોઈ ઑફિશિયલ જાહેરાત કરવામાં આવી નથી. ગુડ ન્યૂઝ સાંભળ્યા પછી, ફેન્સ પુત્રીની પહેલી ઝલકની આતુરતાથી રાહ જોઈ રહ્યા છે.
તમને જણાવી દઈએ કે અગાઉ 28 ફેબ્રુઆરીએ, કિયારા અડવાણી અને સિદ્ધાર્થે તેમના સત્તાવાર ઇન્સ્ટાગ્રામ એકાઉન્ટ પર એક પોસ્ટ શેર કરી હતી, જેમાં તેમણે બાળકના બુટનો ફોટો શેર કર્યો હતો. આ પોસ્ટ સાથે, તેમણે કેપ્શનમાં લખ્યું હતું, “આપણા જીવનની શ્રેષ્ઠ ભેટ.. ટૂંક સમયમાં આવી રહી છે”. સિદ્ધાર્થ પોતાની ફિલ્મોમાં ગમે તેટલો વ્યસ્ત હોય, પણ આ દરમિયાન તે કિયારા અડવાણીને રૂટિન ચેકઅપ માટે ક્લિનિક લઈ જતો જોવા મળ્યો.
સિદ્ધાર્થ-કિયારાની લવ સ્ટોરી ફિલ્મી છે
સિદ્ધાર્થ મલ્હોત્રા અને કિયારા અડવાણીની પ્રેમકથા વિશે વાત કરીએ તો, તેમની પ્રેમકથા એકદમ ફિલ્મી છે. આ કપલ પહેલી વાર એક પાર્ટીમાં મળ્યા હતા. જોકે તેમની લવ સ્ટોરી ફિલ્મ શેરશાહના સેટથી શરૂ થઈ હતી, જ્યારે બંને તેમની ફિલ્મનું શૂટિંગ કરી રહ્યા હતા.
ફિલ્મને પણ સફળતા મળી અને બંનેની કેમિસ્ટ્રીએ બધાનું દિલ જીતી લીધું. જોકે, કોર્ટશિપ સમયગાળા દરમિયાન, આ કપલે તેમની લવ સ્ટોરીને દુનિયાથી છુપાવી રાખી. તેમના રાજસ્થાનના જેસલમેરમાં ખૂબ જ ધામધૂમથી લગ્ન થયા, જેમાં ફક્ત તેમના નજીકના મિત્રો અને પરિવારના સભ્યો જ હાજર રહ્યા.