પાસપોર્ટ-મોબાઇલ સહિતનો સામાન દુબઇ સરકારે જપ્ત કરી લેતા ભારતીય દૂતાવાસે ઇમરજન્સી સર્ટિફિકેટ આપ્યું, તમામ યુપી, બિહાર અને પંજાબના શ્રમિકો
ઘણા ભારતીય યુવાનો વિદેશની ધરતી પર જઈને લાખો રુપિયા કમાવવા અને વૈભવી જીવન જીવવાના સપના જોતાં હોય છે. આ સોનેરી સપનાઓને સકાર કરવા તેઓ લાખો રુપિયા ખર્ચીને સારુ જીવન અને સારી કમાણીની શોધમાં વિદેશ જતા હોય છે. પરંતુ વિદેશમાં ગયા પરંતુ વાસ્તવિકતા કંઈક અલગ જ હોય છે. નોકરી અને સારી કમાણીના સપના સાથે સંયુક્ત આરબ અમીરા ગયેલા 60 ભારતીયોને બુધવારે ડિપોર્ટ કરવામાં આવતા સુરત એરપોર્ટ પર પહોંચ્યા હતા.
પ્રાપ્ત વિગત અનુસાર, UAEમાં ત્યાંના સ્થાનિક કાયદા અને નિયમોના કથિત ઉલ્લંઘન બદલ ત્યાંના સત્તાધીશો દ્વારા આ કડક કાર્યવાહી કરવામાં આવી હતી. ડિપોર્ટ કરાયેલા આ ભારતીય નાગરિકોમાં મોટા ભાગના સામાન્ય શ્રમિકો હતા. જેઓ રોજીરોટી કમાવવા ત્યાં ગયા હતા. દુબઈથી આ તમામ 60 ભારતીયોને એર ઈન્ડિયા એક્સપ્રેસની ફ્લાઈટ નંબર IX-274 દ્વારા ભારત પરત મોકલી દેવાયા હતા. આ ફ્લાઈટ બુધવારે સુરત એરપોર્ટ ખાતે પહોંચી હતી,. ત્યારે વતન ફરેલા શ્રમિકોના ચહેરા પર વિદેશ જવાના સપના તૂટ્યાનો અફસોસ અને લાચારી સ્પષ્ટ જવા મળી હતી.
પરત ફરેલા તમામ તમામ 60 ભારતીયો પાસે તેમના મૂળ પાસપોર્ટ, મોબાઈલ કે અન્ય કોઈ ચીજવસ્તુઓ દુબઇ સરકારે જપ્ત કરી લીધા હતા. આ મુશ્કેલીભર્યા સમયમાં દુબઈ સ્થિત ભારતીય દૂતાવાસ દ્વારા ડિપોર્ટેશનની પ્રક્રિયામાં કોઈ તકલીફ ન પડે તે હેતુથી તમામ નાગરિકોને ઈમરજન્સી સર્ટિફિકેટ જારી કરવામાં આવ્યા હતા. આ ખાસ સર્ટિફિકેટની મદદથી તમામ ભારતીયો પાછા ભારત ફરી શક્યા હતા.
પ્રાથમિક તપાસમાં માહિતી મુજબ, ડિપોર્ટ તમામ શ્રમિકો છે. રોજીરોટીની તલાશમાં એજન્ટોના કે અન્ય માધ્યમોથી તેઓ દુબઈ ગયા હતા. આ તમામ મુસારો મુખ્યત્વે ઉત્તર પ્રદેશ, બિહાર અને પંજાબના હોવાનું જાણવા મળ્યું છે. હાલ સુરત એરપોર્ટ પર સંબંધિત એજન્સીઓ દ્વારા નિર્ધારિત પ્રોટોકોલ હેઠળ વેરિફિકેશનની પ્રક્રિયા કરી હતી.
મુસાફરો એર ઇન્ડિયા એક્સપ્રેસ ફ્લાઇટ ઈંડ-274 માં દુબઈથી આવ્યા હતા. ઉતરાણ પછી તરત જ, બ્યુરો ઓફ ઇમિગ્રેશનના અધિકારીઓ, અન્ય સુરક્ષા એજન્સીઓ સાથે, તેમને ઓળખ ચકાસણી, પૂછપરછ અને મુસાફરી દસ્તાવેજોની ચકાસણી માટે લઈ ગયા હતા.
પ્રાથમિક પૂછપરછમાં જાણવા મળ્યું છે કે ડિપોર્ટ કરાયેલા મોટાભાગના વ્યક્તિઓ કામદાર વર્ગના હતા અને બાંધકામ, જાળવણી, આતિથ્ય અને અન્ય મેન્યુઅલ મજૂરીમાં નોકરી મેળવ્યા પછી ભરતી એજન્ટો દ્વારા દુબઈ ગયા હતા.
જ્યારે અધિકારીઓએ કથિત ગુનાઓની ચોક્કસ પ્રકૃતિ જાહેર કરી નથી, સૂત્રોએ જણાવ્યું હતું કે ડિપોર્ટેશન સ્થાનિક કાયદાઓના ઉલ્લંઘન સાથે સંકળાયેલા હતા, જેમાં મુસાફરો કોઈ ગંભીર ગુનાહિત પ્રવૃત્તિમાં સામેલ હોવાનો તાત્કાલિક કોઈ સંકેત નથી.
