હળવદમાં મકાનમાંથી દારૂ-બીયરના જથ્થા સાથે 15.50 લાખની રોકડ મળી

16.82 લાખનો મુદ્દામાલ કબજે, આરોપીની શોધખોળ

હળવદમાં પોલીસે મકાનમાં છુપાવી રાખેલ મોંઘીદાટ દારૂૂ અને બિયરના રૂૂ.1.32 લાખની કિંમતના જથ્થા અને રૂૂ.15.50 લાખની રોકડ ઝડપી લીધી છે. જ્યારે આરોપી ફરાર હોય તેની શોધખોળ હાથ ધરાઈ છે.

પ્રાપ્ત વિગતો અનુસાર હળવદ પોલીસે બાતમી આધારે લક્ષ્મીનારાયણ ચોક પાસે જોષી ફળીમાં રહેતા ધવલભાઇ નરેન્દ્રભાઇ શુકલના ઘરની બાજુમાં જર્જરિત રહેલા અલગ અલગ મકાનમાં દરોડો પાડ્યો હતો. જેમાં રેડ લેબલ, બેલેન્ટાઇન સહિતની મોંઘીદાટ દારૂૂની બોટલ કુલ 138 1,21,079/તથા બીયર નંગ 116 કિ.11,600 તથા આરોપીના ઘરમાંથી શક પડતી મિલકત રોકડ 15,50,000 કબ્જે કરી કુલ 16,82,679નો મુદામાલ કબ્જે કરી આરોપી ધવલભાઇ નરેન્દ્રભાઈ શુકલ વિરુધ્ધ ધોરણસરની કાર્યવાહી હાથ ધરવામાં આવેલ છે. આરોપી સ્થળ ઉપર મળી આવેલ ન હોય તેની શોધખોળ હાથ ધરાઈ છે.

આ કામગીરીમાં પોલીસ ઇન્સ્પેક્ટર આર. ટી.વ્યાસ, એ.એસ. આઈ. અજીતસિંહ નટુભા સિસોદીયા, રમેશભાઇ મહાદેવભાઇ ગોહિલ, પો.હેડ.કોન્સ. વિપુલભાઇ સુરેશભાઇ ભદ્રાડિયા, શકિતસિંહ બહાદુરસિંહ પરમાર, વુ.પો.હેડ.કોન્સ નીરુબેન જેસીંગભાઇ, પો.કોન્સ. સાગરભાઇ ડાયાભાઇ, મયુરભાઇ સુરેશભાઇ, મનોજભાઇ ગોપાલ ભાઇ, પ્રફુલભાઇ હરખા ભાઇ, દિપક સિંહ દશરથસિંહ રોકાયેલ હતા.