બ્રહ્માનંદમને 2009માં પદ્મશ્રીથી પણ સન્માનવામાં આવ્યા હતા
એક પણ શબ્દ બોલ્યા વગર હસાવવાની તાકાત! જાણો 1000 ફિલ્મો કરનાર બ્રહ્માનંદમ વિશેભારતીય સિનેમામાં જ્યારે પણ કોમેડીની વાત આવે છે, ત્યારે ઉત્તર ભારતમાં જોની લીવર, રાજપાલ યાદવ કે કપિલ શર્માના નામ મગજમાં આવે છે. પરંતુ દક્ષિણ ભારતીય સિનેમામાં એક એવો ચહેરો છે, જેના વિના ફિલ્મો અધૂરી માનવામાં આવે છે. જેને દુનિયા માત્ર ‘બ્રહ્માનંદમ’ ના નામથી ઓળખે છે. તેમના નામે એક એવો રેકોર્ડ નોંધાયેલ છે જેને તોડવો કોઈપણ કલાકાર માટે લગભગ અશક્ય છે. બ્રહ્માનંદમના કરિયરની સૌથી મોટી સિદ્ધિ તેમનું નામ ગિનીસ બુક ઓફ વર્લ્ડ રેકોર્ડ્સ માં નોંધાવું તે છે. તેમણે પોતાના 38 વર્ષના લાંબા ફિલ્મી કરિયરમાં 1000 થી વધુ ફિલ્મો માં અભિનય કર્યો છે.
કોઈપણ એક જીવિત અભિનેતા દ્વારા આટલી મોટી સંખ્યામાં ફિલ્મોમાં કામ કરવું તે પોતાનામાં એક મિસાલ છે. આ રેકોર્ડ તેમની મહેનત, સાતત્ય અને નિર્દેશકોમાં તેમની લોકપ્રિયતાનો પુરાવો છે. પહેલી જ ફિલ્મમાં તેમની કોમેડીને એટલી પસંદ કરવામાં આવી કે તેઓ રાતોરાત સુપરસ્ટાર બની ગયા. ત્યારબાદ તેમણે ક્યારેય પાછું વળીને જોયું નથી અને અલ્લુ અર્જુન, પ્રભાસ, મહેશ બાબુ અને રજનીકાંત જેવા દરેક મોટા સુપરસ્ટાર સાથે સ્ક્રીન શેર કરી. બ્રહ્માનંદમ માત્ર ફિલ્મોની સંખ્યામાં જ નહીં, પરંતુ કમાણીની બાબતમાં પણ ઘણા મોટા હીરોને ટક્કર આપે છે. તેમને ભારતના સૌથી ધનિક કોમેડિયન માનવામાં આવે છે. ભારત સરકારે 2009માં તેમને પદ્મશ્રી થી સન્માનિત કર્યા હતા.