દિલ્હીના ભારત દર્શન પાર્ક અને વેસ્ટ ટુ વન્ડર પાર્કની જેમ હવે નોએડાના સેક્ટર 94માં વેસ્ટમાંથી એક પાર્ક તૈયાર થઈ ગયો છે. એનું નામ છે નોએડા જંગલ ટ્રેઇલ પાર્ક. નોએડા-દિલ્હી-ફરીદાબાદની બોર્ડર પર યુમના કિનારે 18.3 એકરમાં ફેલાયેલા આ પાર્કનું તાજેતરમાં લોકાર્પણ કરવામાં આવ્યું એમાં વેસ્ટ મટીરિયલમાંથી બનેલાં 800 પશુ-પંખીઓનાં શિલ્પો હશે.
એમાં હજારો કિલો લોખંડનો કબાડ વપરાયો છે. એમાં 500 કિલોના વેસ્ટમાંથી ડાયનોસોર પણ બનાવ્યું છે. 15 કરોડ રૂૂપિયાના ખર્ચે બનેલા આ પાર્કમાં તમામ જંગલી પ્રાણીઓનાં વિવિધ શેપનાં લોખંડનાં શિલ્પો છે. આ જંગલ પાર્કમાં આફ્રિકન સિંહ, હાથી, જિરાફ, એશિયન ટાઇગર, હરણ; ઑસ્ટ્રેલિયન કાંગારૂૂ અને ઈમુ જેવાં પ્રાણીઓ જોવા મળશે. ઠંડા ધ્રુવપ્રદેશમાં જોવા મળતાં પેન્ગ્વિન અને પોલર બેઅર પણ અહીં હશે. પાર્કમાં એન્ટ્રી-ફી 100 રૂૂપિયાની હશે અને એમાં ઝિપલાઇનિંગ અને હાઈ રોપ જેવી ઍડ્વેન્ચર ઍક્ટિવિટીઝ પણ થશે.