સાંજે 7.30થી રોયલ ચેલેન્જર્સ બેંગલુરુ અને ગુજરાત ટાઇટન્સ વચ્ચે પ્રથમ ક્વોલિફાયર
IPL 2026માં પ્લેઓફ મેચો હવે ચાલુ થઈ રહી છે. નિયમો મુજબ, પોઈન્ટ ટેબલ પર ટોચની બે ટીમો ક્વોલિફાયર-1 માં આમને-સામને હોય છે. આ મેચ આજે 26 મેના ધર્મશાલાના હિમાચલ પ્રદેશ ક્રિકેટ એસોસિએશન સ્ટેડિયમ ખાતે રોયલ ચેલેન્જર્સ બેંગલુરુ અને ગુજરાત ટાઇટન્સ વચ્ચે રમાશે. આ મેચમાં ફાઈનલમાં સ્થાન દાવ પર લાગશે, અને જે પણ ટીમ જીતશે તે સીધી ફાઈનલમાં જશે.
આ મેચમાં ટોસ પણ મહત્વપૂર્ણ રહેશે. હિમાચલ પ્રદેશ ક્રિકેટ એસોસિએશન સ્ટેડિયમની પિચ બેટ્સમેન-ફ્રેન્ડલી છે, જેનાથી મોટા સ્કોરવાળી મેચો બને છે. જોકે, રનચેઝ કરનારી ટીમ હંમેશા જીતી છે. આ રાત્રિની મેચ છે, તેથી બીજી ઇનિંગમાં બોલિંગ કરવી સરળ નથી. પરિણામે, ટોસ જીતનાર ટીમ ઘણીવાર પહેલા બોલિંગ કરવાનું પસંદ કરે છે, જેનાથી રનચેઝ દરમિયાન બેટિંગ સરળ બને છે.
IPL 2026 માં ધર્મશાલાના મેદાન પર પણ આવી જ કહાની જોવા મળી છે. આ સિઝનમાં ત્યાં કુલ બે નાઈટ મેચ રમાઈ છે. આ મેચો દરમિયાન ટોસ જીતનાર ટીમે પહેલા બોલિંગ કરવાનું પસંદ કર્યું છે અને મેચો પણ જીતી છે. તેથી, ક્વોલિફાયર 1 માં, બંને કેપ્ટન પરિસ્થિતિનો લાભ લેવા માટે કોઈપણ કિંમતે ટોસ જીતવા માંગશે, જ્યારે ટોસ હારનાર ટીમ માટે મેચ જીતવી મુશ્કેલ બનશે.
રોયલ ચેલેન્જર્સ બેંગલુરુ અને ગુજરાત ટાઇટન્સ વચ્ચે હંમેશા ટક્કરનો મુકાબલો જપવા મળ્યો છે. જોકે, હિમાચલ પ્રદેશ ક્રિકેટ એસોસિએશન સ્ટેડિયમમાં રોયલ ચેલેન્જર્સ બેંગલુરુને ફાયદો રહેશે. કારણ કે રોયલ ચેલેન્જર્સ બેંગલુરુ આ સિઝનમાં ધર્મશાળામાં એક મેચ રમી છે, જ્યારે આ સિઝનમાં ધર્મશાળામાં ગુજરાત ટાઇટન્સની આ પહેલી મેચ હશે. તેથી, રોયલ ચેલેન્જર્સ બેંગલુરુ પહેલાથી જ ત્યાંની પરિસ્થિતિઓથી પરિચિત છે.
