પ્રથમ તબક્કાની 152 બેઠકોની ચૂંટણી માટે સજ્જડ સુરક્ષા વ્યવસ્થા
તામિલનાડુમાં પણ શાંતિપૂર્ણ વાતાવરણ વચ્ચે ઉત્સાહપૂર્ણ મતદાન
પશ્ચિમ બંગાળ અને તામિલનાડુમાં આજે વહેલી સવારથી વિધાનસભા ચુંટણી 2026 માટે મતદાન પ્રકિગયા શરૂ થઇ ગયા બાદ પશ્ચિમ બંગાળમાં ચૂંટણીની પ્રથમ તબક્કાના મતદાન દરમિયાન મુર્શિદાબાદ જિલ્લામાં ગંભીણ હિંસાની ઘટનાએ આકાર લીધો છેે, જેમાં નૌદા વિસ્તારમાં મતદાન કેન્દ્રની આસપાસ અજાણ્યા શખ્સોએ દેશી બોમ્બ ફેંકયા હતા જેના વિસ્ફોટમાં અનેક મતદારો અને સ્થાનિક લોકો ઘાયલ થયા હતા. આ બોમ્બ વિસ્ફોટથી આસપાસનો વિસ્તાર ગાજી ઉઠયો હતો અને તૈનાત સુરક્ષાદળોમાં દોડધામ મચી ગઇ હતી.
પશ્ચિમ બંગાળ વિધાનસભા ચૂંટણીના પ્રથમ તબક્કાના મતદાન દરમિયાન મુર્શિદાબાદ જિલ્લામાં ગંભીર હિંસાની ઘટના બની છે.
નૌદા વિસ્તારમાં મતદાન કેન્દ્રની આસપાસ અજાણ્યા વ્યક્તિઓએ દેશી બોમ્બ ફેંક્યા હતા, જેના કારણે અનેક મતદારો અને સ્થાનિક લોકો ઘાયલ થયા છે. પ્રત્યક્ષદર્શીઓએ જણાવ્યું કે મતદાન કેન્દ્ર આસપાસ મોટી સંખ્યામાં લોકો હાજર હતા ત્યારે અચાનક ધમાકો થયો. આ હુમલાથી વિસ્તારમાં ભારે અફરાતફરી મચી ગઈ અને લોકો જીવ બચાવવા ભાગવા લાગ્યા. ઘાયલોને નજીકના હોસ્પિટલ અને મેડિકલ સેન્ટરમાં દાખલ કરવામાં આવ્યા છે. તેમની સંખ્યા અને હાલત અંગે હજુ સુધી કોઈ અધિકૃત આંકડા જાહેર કરવામાં આવ્યા નથી. પોલીસે જણાવ્યું હતું કે આ બોમ્બ ક્રુડ બોમ્બ પ્રકારનો હતો.
ઘટનાની જાણ મળતાં જ પોલીસ અને સુરક્ષા દળો તુરંત મોકે પહોંચી ગયા હતા. તેમણે આખા વિસ્તારને ઘેરી લીધો છે અને વધારાના સુરક્ષા દળો તૈનાત કરવામાં આવ્યા છે. હુમલાખોરોની ઓળખ કરવા માટે તલાશી અભિયાન શરૂૂ કરી દેવામાં આવ્યું છે. પ્રશાસને શાંતિ જાળવવાની અપીલ કરી છે.
પશ્ચિમ બંગાળ વિધાનસભા ચૂંટણીના પ્રથમ તબક્કામાં સવારે 7 વાગ્યાથી 152 વિધાનસભા બેઠકો પર મતદાન શરૂૂ થયું હતું. આ તબક્કામાં રાજ્યની 294 બેઠકોમાંથી અડધાથી વધુ બેઠકોનું મતદાન થઈ રહ્યું છે. દાર્જિલિંગ, જલપાઈગુડીથી લઈને મુર્શિદાબાદ, નદિયા, બીરભૂમ અને હુગલી જિલ્લાઓમાં મતદાન ચાલી રહ્યું છે.
ચૂંટણી પંચે આ તબક્કા માટે રેકોર્ડ 2,450 કંપનીઓ કેન્દ્રીય અર્ધસૈનિક દળોની તૈનાતી કરી છે, જેમાં લગભગ 2.5 લાખ જવાનો સામેલ છે. 8,000થી વધુ મતદાન કેન્દ્રોને અતિ સંવેદનશીલ જાહેર કરવામાં આવ્યા છે. મુર્શિદાબાદ જિલ્લામાં સૌથી વધુ સુરક્ષા દળો તૈનાત કરવામાં આવ્યા છે. મુર્શિદાબાદ જિલ્લો લાંબા સમયથી ચૂંટણી હિંસા માટે જાણીતો છે. આ વિસ્તારમાં અગાઉ પણ બોમ્બ હુમલા અને અન્ય હિંસક ઘટનાઓ બની ચૂકી છે. આ ઘટનાએ પ્રથમ તબક્કાના મતદાન વચ્ચે તંગ વાતાવરણ સર્જી દીધું છે.
આજે તામિલનાડુની તમામ 234 બેઠકો પર એક સાથે વોટિંગ ચાલુ થયું છે. બન્ને રાજયોમાં આજે વહેલી સવારથી જ મતદાન મથકો પર લાંબી લાઇનો જોવા મળી રહી છે. પ્રવર્તમાન રાજકીય પરિદ્રશ્યમાં આ બન્ને રાજયોની વિધાનસભાની ચૂંટણીઓને કેન્દ્રમાં સત્તાધીન એનડીએ સરકારની લોકપ્રિયતાનો વચગાળાનો એક લિટમસ ટેસ્ટ માનવામાં આવે છે. બન્ને રાજયોમાં ભાજપ વર્ષોથી વિરોધપક્ષની ભુમિકામાં હોવા છતાં આ વખતે મોદી શાહ હાઇકમાન્ડે અનેક પ્રચાર સભાઓ રેલીઓ ગજવીને ભાજપની નવી વિકાસશીલ મુદ્રા લોકચિતે ઉપસાવવા અથાક પ્રયત્નો કર્યા છે. દેશના સામાન્ય નાગરિકો તથા રાજકીય રસિકજનો માટે આ બન્ને રાજયોની ચુંટણીઓમાં ભારે ઉતેજના છવાયેલી છે. તામિલનાડુના મુખ્યમંત્રી સ્ટાલિન અને બંગાળના મુખ્યમંત્રી મમતા બેનરજી કેન્દ્રની નીતિઓના ઉગ્ર ટીકાકાર નેતાઓ છે.
તમિલનાડુમાં, લગભગ 5.67 કરોડ મતદારો તમામ 234 મતવિસ્તારોમાં મતદાન કરશે. પશ્ચિમ બંગાળમાં, બે તબક્કાની ચૂંટણીના પહેલા તબક્કામાં આજે 152 મતવિસ્તારોમાં 3.6 કરોડ મતદારો મતદાન કરી શકે છે. અંતિમ તબક્કો 29 એપ્રિલે યોજાશે.
પશ્ચિમ બંગાળની વાત કરીએ તો, મુખ્યમંત્રી મમતા બેનર્જીના નેતૃત્વ હેઠળની ટીએમસી હજુ પણ માળખાકીય રીતે આગળ છે. જોકે, વડા પ્રધાન નરેન્દ્ર મોદી અને ગૃહ પ્રધાન અમિત શાહના નેતૃત્વ હેઠળની ભાજપ હિન્દુત્વથી ભરપૂર મજબૂત રાષ્ટ્રવાદી પીચ રજૂ કરીને, મુખ્યત્વે ચૂંટણીમાં પાછા ફરવા માટે આક્રમક પ્રયાસો કરી રહી છે. બાંગ્લાદેશથી ગેરકાયદેસર ઘૂસણખોરી પર તીવ્ર ધ્યાન કેન્દ્રિત કરીને તેના મુખ્ય હિન્દુત્વના મુદ્દાને જોડવા ઉપરાંત, ભાજપ ભ્રષ્ટાચારના આરોપોના હારમાળા પર ટીએમસી પર પણ હુમલો કરી રહી છે. પશ્ચિમ બંગાળમાં ભાજપનો સંદેશ સ્પષ્ટ છે: “કુશાસન”, “સીમાઓ સાથે ચેડા” અને “વ્યવસ્થિત સડો”. ભાજપ રાજ્યમાં મહિલા મતદારોની વધતી સંખ્યાને તૃણમૂલ કોંગ્રેસ દ્વારા ઓફર કરાયેલા રૂૂ. 2000 ની સરખામણીમાં રૂૂ. 3,000 માસિક સ્ટાઇપેન્ડનું વચન આપીને આકર્ષવાનો પ્રયાસ કરી રહી છે. આંકડા દર્શાવે છે કે રાજ્યમાં હાલમાં 37,600,611 મહિલા મતદારો છે, જ્યારે ગયા લોકસભા ચૂંટણીમાં 37,398,991 મહિલા મતદારો હતા.