સુપ્રીમ સુધીની લડાઇ બાદ ટ્રીબ્યુનલે 34 લાખ અરજીમાંથી 149 અરજીનો નીકાલ કયોર્ર્; ચૂંટણી પરિણામ પર વ્યાપક અસર પડશે
પશ્ચિમ બંગાળ વિધાનસભા ચૂંટણી 2026ના પ્રથમ તબક્કાના મતદાન દરમિયાન વોટર લિસ્ટ સુધારણાનો મોટો વિવાદ સામે આવ્યો છે. સ્પેશિયલ ઈન્ટેન્સિવ રિવિઝન (SIR) હેઠળ 27 લાખથી વધુ મતદારોના નામ વોટર લિસ્ટમાંથી કાપી નાખવામાં આવ્યા હતા, જેમાંથી સુપ્રીમ કોર્ટના આદેશ પર બનેલા ટ્રિબ્યુનલોએ માત્ર 139 લોકોના વોટિંગ અધિકારને જ પુન:સ્થાપિત કર્યા છે. પરિણામે મમતા બેનર્જીના પ્રયાસો બાદ પણ મોટી સંખ્યામાં મતદારોમાં ઘટાડો થયો છે.
મુખ્ય ચૂંટણી અધિકારી મનોજ અગ્રવાલે જણાવ્યું કે આ 139 મતદારો આજે મતદાન કરી શકશે. તેમના પોલિંગ બૂથ અને રિટર્નિંગ અધિકારીઓને આ અંગે જાણકારી આપી દેવામાં આવી છે. આમાં 88 વર્ષીય સુપ્રબુદ્ધ સેન (નંદલાલ બોસના નાતી, જેઓ મૂળ સંવિધાનની પાંડુલિપિમાં ચિત્રો દોરનારા હતા)નો પણ સમાવેશ થાય છે. તેમની પત્ની દીપા સેન (82) અને તેમના સંભાળ લેનાર ચક્રધર નાયકના નામ પણ પુન:સ્થાપિત થયા છે.
SIR પછી પશ્ચિમ બંગાળમાં મતદારોની કુલ સંખ્યા 7.6 કરોડથી ઘટીને 6.8 કરોડ થઈ ગઈ છે. ટ્રિબ્યુનલોએ 34 લાખ અપીલોમાંથી અત્યાર સુધીમાં માત્ર 147 અપીલોનો નિકાલ કર્યો છે, જેમાંથી 139ને મંજૂરી મળી છે અને 510 અપીલોને ખારિજ કરવામાં આવી છે. વધુમાં, 8 નામોને સપ્લિમેન્ટરી લિસ્ટમાંથી કાઢી નાખવામાં આવ્યા છે.
મુર્શિદાબાદ જિલ્લાના શમશેરગંજ વિધાનસભા ક્ષેત્રમાં (જ્યાં અલ્પસંખ્યકોની વસ્તી વધુ છે) સૌથી વધુ 74,775 નામ કાપવામાં આવ્યા હતા, જ્યારે SIRના વિવિધ તબક્કામાં કુલ 91,712 નામ હટાવવામાં આવ્યા. અહીં માત્ર એક જ વ્યક્તિ ધુલિયાન નગરપાલિકાના ચેરમેન મોહમ્મદ ઈંજામુલ ઈસ્લામ ને વોટિંગ અધિકાર પાછો મળ્યો છે.
કલકત્તા હાઈકોર્ટમાં દાખલ કરવામાં આવેલી જનહિત યાચિકામાં 19 ટ્રિબ્યુનલોના કાર્યપ્રણાલી અને SOPને જાહેર કરવાની માંગ કરવામાં આવી હતી, પરંતુ હાઈકોર્ટે તેને સુપ્રીમ કોર્ટમાં જવા સૂચના આપી છે.
આ વિવાદ ચૂંટણી પહેલાં રાજકીય તાપમાન વધારી રહ્યો છે. વિરોધી પક્ષો તરફથી વોટર લિસ્ટમાં કાપ કરવાના આરોપો લાગી રહ્યા છે, જ્યારે ચૂંટણી પંચ તેને વોટર લિસ્ટ સુધારણાની પ્રક્રિયા તરીકે જુએ છે.