રાજકોટ શહેરના ગોંડલ ચોકડી પાસે વાવડી વિસ્તારમાં આવેલી પ્રેમવતી રેસ્ટોરન્ટને શરતભંગ બદલ રાજકોટ કલેક્ટર પ્રભવ જોશી દ્વારા નોટિસ ફટકારવામાં આવી છે. આ મામલે રાજકોટ સિટી પ્રાંત 02 મહેક જૈન દ્વારા કરાયેલા રિપોર્ટના આધારે કલેક્ટરે આ કાર્યવાહી હાથ ધરી છે.
મળતી વિગતો અનુસાર, પ્રાંત અધિકારી મહેક જૈન દ્વારા પ્રેમવતી રેસ્ટોરન્ટ, જે વાવડી સર્વે નંબર 38/1 માં આવેલી છે, તેમા શરતભંગ થતો હોવાનો વિગતવાર રિપોર્ટ કલેક્ટરને સુપરત કરવામાં આવ્યો હતો. આ રિપોર્ટના અભ્યાસ બાદ કલેક્ટર પ્રભવ જોશી દ્વારા રેસ્ટોરન્ટને શરતભંગ અંગેની નોટિસ આપવામાં આવી છે.નોટિસમાં પ્રેમવતી રેસ્ટોરન્ટને આગામી મહિનાના પહેલા અઠવાડિયા સુધીમાં આ મામલે પોતાનો ખુલાસો રજૂ કરવા અને રૂૂબરૂૂ હાજર રહેવા પણ સૂચના આપવામાં આવી છે. આ નોટિસ કલેક્ટર દ્વારા સીધી રીતે ફટકારવામાં આવી છે.