આગામી વર્ષે વ્યક્તિગત વૈભવી ઉત્પાદનોના વૈશ્વિક વેચાણમાં મહા મંદી પછી પહેલી વાર ઘટાડો થવાની સંભાવના તાજેતરમાં બેઈન ક્ધસલટન્સીના અભ્યાસમાં વ્યક્ત કરવામાં આવી છે. અમેરિકાના ભૂતપૂર્વ પ્રમુખ ડોનાલ્ડ ટ્રમ્પ દ્વારા પ્રસ્તાવિત ટેરિફ અમલમાં આવે તો યુરોપીયન વૈભવી બ્રાન્ડની કિંમતો વધવાથી આ ઘટાડો વધુ વકરે અને તેમની માર્કેટ સ્થિતિને પડકારે તેવી શક્યતા છે. અભ્યાસમાં વધુ જણાવાયું છે કે ઈટાલીના એલ્ટાગામા લક્ઝરી એસોસિયેશને આ બાબતે ચિંતા વ્યક્ત કરી છે અને સૂચવ્યું છે કે આ ટેરિફો યુરોપીયન વૈભવી ઉત્પાદનોને અમેરિકી ગ્રાહકો માટે તેમને પોષાય નહિ તેટલા મોંઘા કરી શકે છે.
યુરોપ પછી બીજુ સૌથી મોટુ માર્કેટ રહેલું અમેરિકા વૈશ્વિક વૈભવી ઉત્પાદનોના વેચાણમાં મહત્વની ભૂમિકા ભજવે છે. અભ્યાસમાં ટેરિફની ચોક્કસ અસરનું આંકલન નહોતું કરાયું પણ તેમાં સૂચન કરાયું હતું કે મર્યાદિત અમેરિકન વૈભવી વિકલ્પોને કારણે અપવાદ લાગુ કરી શકાય. જો કે, ટેરિફ લાદવામાં આવે તો યુરોપીયન વૈભવી ઉત્પાદનો તેમનું ઉત્પાદન અમેરિકા સિવાય કોઈ અન્ય સ્થળે ખસેડી શકે અથવા અસરને સરભર કરવા યુરોપમાં પ્રવાસી ખર્ચ પર મૂડી બનાવવાનું વિચારી શકે. વૈભવી વસ્તુઓના ચાલુ વર્ષના 369 અબજ ડોલરમાંથી આગામી વર્ષે 36.3 અબજ ડોલરના વેચાણમાં બે ટકાના અપેક્ષિત ઘટાડા માટે વૈશ્વિક અસ્થિરતા અને મોંઘવારીને જવાબદાર માનવામાં આવે છે.
તાજેતરમાં કોવિડ પછી વિકાસ થયો હોવા છતાં સામાજિક અસંતોષ, યુદ્ધ અને અસ્થિર રાજકીય ફલકે ગ્રાહકોના વિશ્વાસ પર નકારાત્મક અસર કરી છે. વધુમાં વૈભવી બ્રાન્ડની ઊંચી કિંમતો તેમજ નવીનતાના અભાવે અમીર ગ્રાહકોમાં પણ ખરીદીનો ઉત્સાહ ઓછો થયો છે. વૈભવી ઉત્પાદનોના ક્ષેત્રમાં રહેલો પડકાર રચનાત્મકતા અને નવીનતા ઈચ્છતા નવી પેઢીના ઉપભોક્તાઓના નિરુત્સાહને કારણે પણ વધી ગયો છે. આર્થિક ભીડ અથવા નિરુત્સાહને કારણે આવેલા આ પરિવર્તનથી વૈભવી બજારના પાયામાં આશરે પાંચ કરોડ ઉપભોક્તાઓનો ઘટાડો થયો છે જે વૈભવી બ્રાન્ડ માટે આવનારો સમય જટિલ હોવાનો સંકેત કરે છે.