વિજય હજારે ટ્રોફી રમવા રાજકોટમાં હતા ત્યારે અચાનક તિવ્ર દુ:ખાવો થતા ‘ટેસ્ટિકયુલર ટોર્સન’ની સર્જરી કરવામાં આવી
વિજય હજારે ટ્રોફી રમવા માટે રાજકોટ આવેલા તિલક વર્માને અચાનક તીવ્ર દુ:ખાવો થતા અહીની ખાનગી હોસ્પિટલમાં તાત્કાલીક સર્જરી કરવામાં આવી હોવાના અને આ કારણોસર ન્યુઝિલેન્ડ સામેની ટી-20 શ્રેણીમાંથી બહાર થઇ ગયાના અહેવાલો મળી રહ્યા છે.
એશિયા કપ 2025 ફાઇનલમાં ભારતને વિજય અપાવનાર તિલક વર્માની સર્જરી થઈ છે. અહેવાલ મુજબ, તિલક 21 જાન્યુઆરીથી શરૂૂ થનારી ન્યૂઝીલેન્ડ સામેની પાંચ મેચની ટી-20 શ્રેણીમાંથી બહાર થઈ ગયા છે. જોકે,BCCI એ હજુ સુધી આ બાબતે કોઈ સત્તાવાર નિવેદન જારી કર્યું નથી.
તિલક એશિયા કપ ફાઇનલમાં 69 રનની શાનદાર અણનમ ઇનિંગ રમ્યો હતો અને ભારતની જીતમાં મુખ્ય ભૂમિકા ભજવી હતી. ટી20 વર્લ્ડ કપ પહેલા તેમની ઈજાને ભારતીય ટીમ માટે મોટો ફટકો માનવામાં આવે છે. વર્લ્ડ કપની પ્રથમ બે મેચમાં તેમની ભાગીદારી શંકાસ્પદ છે.
7 જાન્યુઆરીની સવારે, રાજકોટમાં નાસ્તો કર્યા પછી, તિલકને અચાનક તેના શરીરના નીચેના ભાગમાં તીવ્ર દુખાવો થયો. તેમને તાત્કાલિક હોસ્પિટલમાં લઈ જવામાં આવ્યા, જ્યાં તપાસ બાદ તેમની સર્જરી કરવામાં આવી. તે સમયે, તિલક વિજય હજારે ટ્રોફી માટે હૈદરાબાદ ટીમ સાથે રાજકોટમાં હતા.BCCI ના એક અધિકારીએ PTIને જણાવ્યું કે દુખાવો અનુભવાતા તેમને તાત્કાલિક ગોકુલ હોસ્પિટલમાં લઈ જવામાં આવ્યા હતા.
તિલકની તપાસ અને સ્કેનમાં જાણવા મળ્યું કે તેમને ટેસ્ટિક્યુલર ટોર્સન થયું છે, જે અચાનક, તીવ્ર દુખાવો કરે છે. ડોક્ટરોએ વિલંબ કર્યા વિના સર્જરીની સલાહ આપી. તિલકની સર્જરી સફળ રહી. અમે અમારા નિષ્ણાત ડોક્ટરોની સલાહ લીધી, અને તેઓ પણ આ નિર્ણય સાથે સંમત થયા. તિલકની સર્જરી સફળ રહી અને તે હવે સ્વસ્થ છે. તેમણે વધુમાં જણાવ્યું કે મેડિકલ પેનલ સાથે ચર્ચા કર્યા પછી, તિલકની રિકવરી અને મેદાનમાં સંભવિત વાપસી અંગેની માહિતી શક્ય તેટલી વહેલી તકે શેર કરવામાં આવશે.
તિલક ન્યૂઝીલેન્ડ સામેની ટી-20 શ્રેણી માટે ભારતીય ટીમનો ભાગ છે. આ જ ટીમ ટી-20 વર્લ્ડ કપમાં રમશે. ન્યુઝીલેન્ડ સામેની ટી20 વર્લ્ડ કપ માટે પસંદ કરાયેલી ભારતીય ટીમની પણ ટી20 વર્લ્ડ કપ માટે પસંદગી કરવામાં આવી છે.
ટી20 વર્લ્ડ કપ 7 ફેબ્રુઆરીએ કોલંબોમાં શરૂૂ થશે, જેમાં પાકિસ્તાન અને નેધરલેન્ડ્સ વચ્ચે પ્રથમ મેચ રમાશે. તે જ દિવસે, ભારતીય ટીમ વાનખેડે સ્ટેડિયમ ખાતે યુએસએ સામે તેની પહેલી મેચ રમશે.