ગુજરાત
શહેરના લખોટા તળાવમાંથી અજાણ્યા વૃદ્ધનો મૃતદેહ મળ્યો
જામનગર શહેરમાં આવેલા લખોટા તળાવમાં આજે સવારે એક ચોંકાવનારી ઘટના સામે આવી છે. તળાવના એસટી બસ સ્ટેન્ડ તરફના ભાગમાં એક અજાણ્યા વૃદ્ધનો મૃતદેહ ડૂબતી હાલતમાં મળી આવ્યો છે. આ ઘટનાની જાણ થતાં જ સ્થાનિક પોલીસ અને ફાયર બ્રિગેડની ટીમ ઘટનાસ્થળે દોડી ગઈ હતી. મૃતદેહને તળાવમાંથી બહાર કાઢીને પોસ્ટમોર્ટમ માટે હોસ્પિટલ ખસેડવામાં આવ્યો છે. વૃદ્ધની ઓળખ હજુ સુધી થઈ શકી નથી. પોલીસે આ મામલે આગળની તપાસ હાથ ધરી છે.