હાલમાં હિટવેવની આગાહી વચ્ચે આજે રાજકોટ શહેરમાં બપોરે ત્રણ વાગ્યે 44 ડિગ્રી સે.જેટલું તાપમાન નોંધાયું હતું. તેમજ 25 કિ.મી.પ્રતિ કલાકની પવનની ઝડપ નોંધાઈ હતી.
રાજકોટ મ્યુનિસિપલ કોર્પોરેશનના પર્યાવરણના સેન્સરમાં આજે આ સિઝનનું રાજકોટનું સૌથી મહત્તમ તાપમાન બપોરે 3 કલાકે નોંધાયું હતું. સાથે જ 25 કિ.મી.પ્રતિ કલાકની ઝડપે ગરમ હવા (લુ) ફેંકાઈ હતી. અગાઉથી જ રાજકોટ મ્યુનિસિપલ કમિશનર દ્વારા હિટવેવથી બચવા માટે એડવાઈઝરી જાહેર કરાઈ હતી.
