ભારતીય ટીમે ઝિમ્બાબ્વેને 204 રનના મોટા માર્જિનથી હરાવ્યું. આ સુપર-6 મેચમાં પ્રથમ બેટિંગ કરતા ભારતીય ટીમે 352 રન બનાવ્યા હતા, પરંતુ તેના જવાબમાં ઝિમ્બાબ્વે 148 રનમાં ઓલઆઉટ થઈ ગયું હતું. ટીમ ઈન્ડિયા અંડર-19 વર્લ્ડ કપમાં હજુ સુધી એક પણ મેચ હાર્યું નથી.
આ મેચમાં, ભારત ટોસ હારી ગયું અને પ્રથમ બેટિંગ કરવા આવ્યું. વૈભવ સૂર્યવંશીએ 30 બોલમાં 52 રન બનાવ્યા, પરંતુ ખરાબ ફોર્મ સાથે સંઘર્ષ કરી રહેલા કેપ્ટન આયુષ મ્હાત્રે આ વખતે ફક્ત 21 રન બનાવીને આઉટ થઈ ગયા. જોકે, વિહાન મલ્હોત્રાનું બેટ પૂરજોશમાં હતું, તેણે 107 બોલમાં 109 રન બનાવ્યા. વિકેટકીપર-બેટ્સમેન અભિજ્ઞાન કુંડુએ પણ 61 રનનું યોગદાન આપ્યું હતું.
જ્યારે કેપ્ટન આયુષ મ્હાત્રે બેટિંગમાં સારું પ્રદર્શન કરી શક્યો નહીં, ત્યારે તેણે ચાર ઓવરમાં માત્ર 14 રન આપ્યા અને ત્રણ વિકેટ લીધી. ઉદ્ધવ મોહને ઝિમ્બાબ્વેના ત્રણ બેટ્સમેનોને પણ આઉટ કર્યા. આરએસ અંબરિશે ચાર વિકેટ લીધી, જ્યારે હેનિલ પટેલ અને ખિલન પટેલે એક-એક વિકેટ લીધી.અંડર-19 વર્લ્ડ કપ 2026 માં ટીમ ઈન્ડિયાનો આ સતત ચોથો વિજય છે. એક સમયે, ઝિમ્બાબ્વેએ ચાર વિકેટ ગુમાવીને 142 રન બનાવ્યા હતા, પરંતુ ત્યાંથી, ભારતીય બોલરોએ ભારે તબાહી મચાવી દીધી, છેલ્લી છ વિકેટો ફક્ત છ રનમાં ગુમાવી દીધી. ઉદ્ધવ મોહન અને કેપ્ટન આયુષ મ્હાત્રેના શાનદાર બોલિંગ પ્રદર્શનના નેતૃત્વમાં ભારતીય અંડર-19 ટીમે સુપર સિક્સ તબક્કામાં ઝિમ્બાબ્વેને 204 રનના માર્જિનથી હરાવ્યું. વિહાન મલ્હોત્રાની અણનમ સદીની મદદથી ભારતે 50 ઓવરમાં આઠ વિકેટે 352 રન બનાવ્યા.
જવાબમાં, ઝિમ્બાબ્વે 37.4 ઓવરમાં 148 રનમાં ઓલઆઉટ થઈ ગયું. ઝિમ્બાબ્વે માટે લેરોય ચિવાલાએ 77 બોલમાં 62 રન બનાવ્યા, જેમાં સાત ચોગ્ગા અને એક છગ્ગાનો સમાવેશ થાય છે. લક્ષ્યનો પીછો કરતા ઝિમ્બાબ્વેની શરૂૂઆત નબળી રહી તેણે માત્ર 24 રનમાં ત્રણ વિકેટ ગુમાવી દીધી. કિયાનના આઉટ થવા છતાં લીરોયે પોતાની ઇનિંગ ચાલુ રાખી અને અડધી સદી ફટકારી. ભારત માટે, ઉદ્ધવ અને મ્હાત્રેએ ત્રણ-ત્રણ વિકેટ લીધી.