સાઉથના સુપરસ્ટાર રામ ચરણ તેજા હાલમાં લંડનના મેડમ તુસાદ મ્યુઝિયમમાં પોતાની મીણની પ્રતિમાનું અનાવરણ કર્યું છે. મ્યુઝિયમ જતાં પહેલાં લંડનની શેરીઓમાં હજારો ચાહકોએ રામ ચરણનું જોરદાર સ્વાગત કર્યું. આ ઇવેન્ટમાં તેના પિતા ચિરંજીવી, માતા સુરેખા અને પત્ની ઉપાસના કોનિડેલા પણ હાજર રહ્યાં.
રસપ્રદ વાત એ છે કે મ્યુઝિયમના અધિકારીઓએ માત્ર રામ ચરણનું જ નહીં, પરંતુ તેના પાલતુ શ્વાન રાઇમનું પણ વેક્સ-સ્ટેચ્યુ બનાવ્યું છે. રિપોર્ટ પ્રમાણે રામ ચરણની મીણની પ્રતિમા સિંગાપોરના મેડમ તુસાદમાં મૂકવામાં આવશે. જોકે એનું અનાવરણ લંડનના મેડમ તુસાદમાં થયું. આ ઇવેન્ટમાં રામ ચરણ, તેમનાં માતા-પિતા ચિરંજીવી અને સુરેખા, પત્ની ઉપાસના અને તેમનો પાલતુ શ્વાન રાઇમ હાજર હતાં. આ વેક્સ-સ્ટેચ્યુ નજીકના ભવિષ્યમાં સિંગાપોરના મેડમ તુસાદ મ્યુઝિયમમાં કાયમી ધોરણે શિફ્ટ કરવામાં આવશે.
