ભારતીય મહિલા ક્રિકેટ ટીમમાં ખુબ મોટા ફેરફારો થયા. હરમનપ્રીત કૌરે બધા ફોર્મેટમાં કેપ્ટનશીપ છોડી દીધી. ત્યારપછી BCCIએ સ્મૃતિ મંધાનાને બધા ફોર્મેટ માટે નવી કેપ્ટન તરીકે નિયુક્ત કર્યા. આ પછી, એક ચોંકાવનારો અહેવાલ બહાર આવ્યો. અહેવાલો અનુસાર, સ્મૃતિ મંધાના અને હરમનપ્રીત કૌર વચ્ચે કેપ્ટનશીપને લઈને મતભેદ થયો હતો , જેના કારણે ભારતીય ટીમના ડ્રેસિંગ રૂૂમમાં વાતાવરણ તણાવપૂર્ણ હોવાનું બહાર આવ્યું હતું.
સૂત્રએ જણાવ્યું હતું કે, ’સ્મૃતિ મંધાના અને હરમનપ્રીત કૌર છેલ્લા કેટલાક સમયથી એકબીજા સામે વાત કરવાનું ટાળી રહ્યા હતા, જેના કારણે ડ્રેસિંગ રૂૂમમાં વાતાવરણ તણાવપૂર્ણ હોવાની ખબર પડી હતી.’ એવું જાણવા મળ્યું છે કે થોડા સમય પહેલા BCCIની સમીક્ષા બેઠક યોજાઈ હતી, જેના પગલે હરમનપ્રીત કૌરે કેપ્ટનશીપ છોડી દેવાનો નિર્ણય લીધો હતો. 2016માં પહેલીવાર ભારતીય ટીમની કેપ્ટનશીપ કરનાર 37 વર્ષીય હરમનપ્રીત કૌરે તાજેતરમાં એશિયન ગેમ્સમાં તેના ગોલ્ડ મેડલનો બચાવ કરવા માટે ટીમનું નેતૃત્વ કર્યું હતું.
આ દરમિયાન, 30 વર્ષીય સ્મૃતિ મંધાના, જેમણે 2013માં ડેબ્યૂ કર્યું હતું, તેણે અનેક બેટિંગ રેકોર્ડ બનાવ્યા છે. તે છેલ્લા કેટલાક સમયથી સંકેત આપી રહી હતી કે તે કેપ્ટનશીપ માટે તૈયાર છે. હરમનપ્રીત કૌરના ખરાબ ફોર્મ અને ટી20 ફોર્મેટમાં ટીમના સંઘર્ષને પગલે, મંધાનાને કેપ્ટનશીપ માટે બોલાવવામાં આવી હતી. જોકે, પસંદગીકારોએ તાત્કાલિક ફેરફાર કરવાનો ઇનકાર કર્યો હતો.
સ્મૃતિ અને હરમનપ્રીત વચ્ચે અગાઉ ખુબ સારા સંબંધ હતા, પરંતુ કેપ્ટનશીપને લઈને તેમની વચ્ચે મતભેદના અહેવાલો બહાર આવ્યા હતા. આ વર્ષે જ્યારે ભારતીય ટીમ ટી20 વર્લ્ડ કપમાંથી બહાર થઈ ગઈ, ત્યારે ભૂતપૂર્વ કેપ્ટન મિતાલી રાજે કહ્યું હતું કે, પસંદગીકારોએ બે કે ત્રણ વર્ષ પહેલાં મંધાનાને વનડે કેપ્ટનશીપ સોંપવી જોઈતી હતી, જ્યારે ટી20 કેપ્ટનશીપ યુવાન શેફાલી વર્માને સોંપવી જોઈતી હતી.
મિતાલીએ એક સમાચાર એજન્સીને જણાવ્યું કે, ’મને લાગે છે કે ODI કેપ્ટનશીપ બે કે ત્રણ વર્ષ પહેલાં સ્મૃતિ મંધાનાને સોંપવી જોઈતી હતી. ઝ20 કેપ્ટનશીપ યુવાન શેફાલી વર્માને સોંપવી જોઈતી હતી.’ હરમનપ્રીત કૌર હવે કેપ્ટનશિપના બોજમાંથી મુક્ત થઈ ગઈ છે. એક નિષ્ણાત બેટ્સમેન તરીકે તે વધુ સારું પ્રદર્શન કરશે તેવી અપેક્ષા છે. આ દરમિયાન, મંધાના ટીમનું શાનદાર નેતૃત્વ કરશે અને ત્રણેય ફોર્મેટમાં ભારતને નંબર વન ટીમ બનાવશે તેવી અપેક્ષા છે. જોકે, હવે એ જોવાનું બાકી છે કે શું બંને સિનિયર ખેલાડીઓ તેમના મતભેદોને બાજુ પર રાખીને ટીમના હિતમાં કામ કરે છે કે નહીં. ચાહકો અપેક્ષા રાખે છે કે તે બંને ભારતીય ક્રિકેટના ભલા માટે કામ કરશે અને ટીમને શક્ય તેટલા વધુ ICC ટાઇટલ જીતવામાં મદદ કરશે.
