રાજકોટ જિલ્લામાં રિયલ એસ્ટેટ ક્ષેત્રે તેજીનો માહોલ યથાવત જોવા મળી રહ્યો છે. મદદનીશ નોંધણી સર નિરીક્ષક કચેરી, રાજકોટ દ્વારા જાહેર કરવામાં આવેલા ડિસેમ્બર-2025 ના આંકડાઓ મુજબ, સમગ્ર જિલ્લામાં મિલકત નોંધણી અને સ્ટેમ્પ ડ્યુટી પેટે સરકારને માતબર આવક થઈ છે. છેલ્લા એક મહિનામાં જિલ્લાની વિવિધ સબ-રજિસ્ટ્રાર કચેરીઓમાં કુલ 13,521 દસ્તાવેજોની નોંધણી કરવામાં આવી છે.
આંકડાકીય વિશ્ર્લેષણ મુજબ, રાજકોટની જ.છ.ઘ-5 મવા કચેરી આવકની દ્રષ્ટિએ પ્રથમ ક્રમે રહી છે. આ કચેરીમાં માત્ર 804 દસ્તાવેજોની નોંધણી સામે સૌથી વધુ ₹10.54 કરોડની કુલ આવક નોંધાઈ છે, જેમાં ₹9.13 કરોડ સ્ટેમ્પ ડ્યુટીનો સમાવેશ થાય છે. જ્યારે દસ્તાવેજોની સંખ્યાની દ્રષ્ટિએ જ.છ.ઘ-2 મોરબી રોડ કચેરી સૌથી વ્યસ્ત રહી હતી, જ્યાં સૌથી વધુ 1,734 દસ્તાવેજો નોંધાયા હતા અને ₹8.45 કરોડની આવક થઈ હતી.
જિલ્લાના અન્ય તાલુકાઓમાં પણ મિલકત લે-વેચની પ્રવૃત્તિ જોવા મળી હતી. જેતપુરમાં 699 દસ્તાવેજો (₹2.69 કરોડ), લોધિકામાં 835 દસ્તાવેજો (₹5.43 કરોડ) અને ઉપલેટામાં 484 દસ્તાવેજો દ્વારા ₹5.58 કરોડની આવક થઈ છે. સૌથી ઓછી નોંધણી જામકંડોરણા કચેરીમાં માત્ર 107 દસ્તાવેજોની નોંધાઈ છે.
સમગ્ર રાજકોટ જિલ્લાની વાત કરીએ તો, ડિસેમ્બર માસ દરમિયાન નોંધણી ફી પેટે ₹11.29 કરોડ અને વપરાયેલી સ્ટેમ્પ ડ્યુટી પેટે ₹68.89 કરોડની વસૂલાત કરવામાં આવી છે. આમ, તમામ 18 સબ-રજિસ્ટ્રાર કચેરીઓ મળીને કુલ ₹80,19,39,633 (એંસી કરોડ ઓગણીસ લાખથી વધુ) ની આવક સરકારી ચોપડે નોંધાઈ છે. રાજકોટના પશ્ચિમ વિસ્તાર અને નવા વિકસી રહેલા રિંગ રોડ આસપાસના વિસ્તારોમાં દસ્તાવેજ નોંધણીનું પ્રમાણ વધતા આવકમાં આ મોટો ઉછાળો જોવા મળ્યો છે.
મવડી: અહીં 1,304 દસ્તાવેજો નોંધાયા અને ₹7.70 કરોડની આવક થઈ.
રૈયા : 1,130 દસ્તાવેજો સાથે ₹7.24 કરોડની આવક નોંધાઈ.
ગોંડલ: ગ્રામ્ય વિસ્તારોમાં ગોંડલ સબ-રજિસ્ટ્રાર કચેરીમાં 1,271 દસ્તાવેજોની નોંધણી સાથે ₹5.64 કરોડની આવક થઈ છે.
રતનપર: 966 દસ્તાવેજો નોંધાયા અને ₹6.86 કરોડની આવક પ્રાપ્ત થઈ.