વૈભવ સૂયવંશી અને યશસ્વી જયસ્વાલની આક્રમક રમતે રંગ રાખ્યો
IPL 2026 ની 40મી મેચમાં, રાજસ્થાન રોયલ્સે શાનદાર પ્રદર્શન કરીને પંજાબ કિંગ્સને 6 વિકેટથી હરાવ્યું. IPL 2026 માં પંજાબનો આ પહેલો પરાજય છે. વૈભવ સૂર્યવંશી, યશસ્વી જયસ્વાલ, ફરેરા અને શુભમ દુબેની ઉત્તમ બેટિંગને કારણે રાજસ્થાન રોયલ્સે 223 રનનો લક્ષ્યાંક હાંસલ કર્યો. વૈભવ સૂર્યવંશીએ રાજસ્થાનને વિસ્ફોટક શરૂૂઆત અપાવી, 16 બોલમાં 43 રન બનાવ્યા. તેણે 16 બોલની ઇનિંગમાં 5 છગ્ગા અને 3 ચોગ્ગા ફટકાર્યા. કેપ્ટન રિયાન પરાગે પણ 16 બોલમાં 29 રન બનાવ્યા. અંતે, ડોનોવન ફરેરા અને શુભમ દુબેએ વિસ્ફોટક બેટિંગનો ઉપયોગ કરીને છેલ્લી ઓવરમાં પંજાબ પાસેથી મેચ છીનવી લીધી. ડોનોવન ફરેરાએ 26 બોલમાં અણનમ 52 રન બનાવ્યા. શુભમ દુબેએ 12 બોલમાં અણનમ 31 રન બનાવ્યા.
223 રનના લક્ષ્યનો પીછો કરતી વખતે, રાજસ્થાને વૈભવ સૂર્યવંશી અને યશસ્વી જયસ્વાલની જોડીને કારણે ઉડતી શરૂૂઆત કરી. ખાસ કરીને સૂર્યવંશીએ પંજાબના બોલરોને મુશ્કેલીમાં મુક્યા. વૈભવ સૂર્યવંશીએ માત્ર 16 બોલમાં 43 રન બનાવ્યા અને 20 બોલમાં યશસ્વી જયસ્વાલ સાથે 51 રનની ભાગીદારી કરી. વૈભવના આઉટ થયા પછી, યશસ્વી જયસ્વાલે આક્રમક રમત શરૂૂ કરી, 27 બોલમાં 51 રન બનાવ્યા. ત્રીજા નંબર પર બેટિંગ કરી રહેલા ધ્રુવ જુરેલે 20 બોલમાં 16 રન બનાવીને રાજસ્થાન પર દબાણ વધાર્યું. જોકે, ત્યારબાદ કેપ્ટન રિયાન પરાગે 16 બોલમાં 29 રન બનાવીને ટીમને પાછી ટ્રેક પર લાવી. અંતે, ડોનોવન ફરેરા અને શુભમ દુબેની 32 બોલમાં 77 રનની ભાગીદારીએ પંજાબ પાસેથી મેચ છીનવી લીધી.
પંજાબ ભલે મેચ હારી ગયું હોય, પરંતુ તેમણે મુશ્કેલ પીચ પર 20 ઓવરમાં 222 રન બનાવીને તેને રોમાંચક બનાવ્યું. પ્રભસિમરન સિંહે 44 બોલમાં 59 રન બનાવ્યા. પ્રિયાંશ આર્યએ 11 બોલમાં 29 રન બનાવ્યા. કૂપર કોનેલીએ 14 બોલમાં 30 રન બનાવ્યા. માર્કસ સ્ટોઇનિસે 22 બોલમાં અણનમ 62 રન બનાવ્યા.
પંજાબની હાર અને રાજસ્થાનની જીતથી પોઈન્ટ ટેબલમાં રસપ્રદ ફેરફારો થયા છે. પંજાબ કિંગ્સે આઠમાંથી છ મેચ જીતી છે, એક હાર અને એક હાર સાથે તે પ્રથમ સ્થાને છે. તે 13 પોઈન્ટ સાથે પ્રથમ સ્થાને છે. રાજસ્થાન નવ મેચમાંથી છ જીત સાથે ત્રીજા સ્થાને છે. આરસીબી એ આઠમાંથી છ મેચ જીતી છે અને બીજા સ્થાને છે.
વૈભવ સૂર્યવંશીએ 400 રન સાથે ઓરેન્જ કેપનો દાવો કર્યો
IPL 2026ના 40મા મેચ બાદ ઓરેન્જ કેપ માટેની સ્પર્ધામાં ફરી એક મોટો ફેરફાર જોવા મળ્યો છે. વૈભવ સૂર્યવંશી હવે ફરી એકવાર ટોચ પર પહોંચ્યો છે. રાજસ્થાન રોયલ્સ માટે ઓપનિંગ કરતો આ ડાબોડી બેટ્સમેને શાનદાર પ્રદર્શન કરતાં કે એલ રાહુલ અને અભિષેક શર્માને પાછળ મૂકી નંબર-1 સ્થાન મેળવ્યું. વૈભવે અત્યાર સુધી 9 મેચોમાં કુલ 400 રન બનાવી લીધા છે. તેની સરેરાશ 44.44 છે અને સ્ટ્રાઈક રેટ 238થી વધુ છે, જે તેની આક્રમક બેટિંગને દર્શાવે છે. આ સીઝનમાં તેણે એક સદી અને બે અડધી સદી ફટકારી છે. ખાસ વાત એ છે કે તેણે સૌથી વધુ 37 છગ્ગા મારીને પણ ટોચનું સ્થાન મેળવ્યું છે. ઓરેન્જ કેપની સ્પર્ધામાં બીજા ક્રમે અભિષેક શર્મા છે, જેમણે 8 મેચમાં 380 રન બનાવ્યા છે. ત્રીજા સ્થાને કે એલ રાહુલ છે, જેમણે 358 રન બનાવ્યા છે. વિરાટ કોહલી 351 રન સાથે ચોથા ક્રમે છે, જ્યારે હેનરિક ક્લાસેન 349 રન સાથે પાંચમા સ્થાને છે. આ સિવાય પ્રભસિમરન સિંહ, શુભમન ગિલ અને સાઈ સુદર્શન પણ આ રેસમાં ટકી રહ્યા છે, જેથી આવનારા મેચોમાં સ્પર્ધા વધુ કઠિન બનવાની શક્યતા છે.
