પોલીસની ખાસ ડ્રાઇવથી ટ્રાફિક નિયમ ભંગ કરનારમાં ફફડાટ
જામનગર શહેરમાં વધી રહેલા ટ્રાફિકના પ્રશ્નને ધ્યાનમાં રાખીને અને ટ્રાફિક નિયમોના પાલનને સુનિશ્ચિત કરવા માટે શહેર પોલીસ દ્વારા વિશેષ ડ્રાઇવ હાથ ધરવામાં આવી રહી છે. ગઈકાલે, સીટી બી ડીવીઝન પોલીસ દ્વારા લાલ બંગલાથી લીમડા લાઇન સુધીના વન-વે માર્ગ પર ટ્રાફિક ડ્રાઇવનું આયોજન કરવામાં આવ્યું હતું.
આ ડ્રાઇવ દરમિયાન રોંગ સાઇડમાં વાહન ચલાવતા વાહનચાલકો સામે કડક કાર્યવાહી કરવામાં આવી હતી.
પોલીસ દ્વારા આ ડ્રાઇવ દરમિયાન મોટી સંખ્યામાં વાહનોને રોકીને ચકાસણી કરવામાં આવી હતી. જે વાહનચાલકો રોંગ સાઇડમાં વાહન ચલાવતા પકડાયા હતા તેમના વિરુદ્ધ કાયદેસરની કાર્યવાહી કરવામાં આવી હતી અને તેમને દંડ ફટકારવામાં આવ્યો હતો.
આ ઉપરાંત, વાહનચાલકોને ટ્રાફિક નિયમોનું પાલન કરવા અંગે સમજાવવામાં આવ્યા હતા.
પોલીસ દ્વારા આવી ડ્રાઇવ સમયાંતરે કરવામાં આવશે
જેથી કરીને શહેરમાં ટ્રાફિક સુવ્યવસ્થા જળવાઈ રહે અને અકસ્માતોની સંખ્યામાં ઘટાડો થાય. શહેરના નાગરિકોને અપીલ કરવામાં આવી છે કે તેઓ ટ્રાફિક નિયમોનું પાલન કરે અને સુરક્ષિત વાહન ચલાવે.