મૂળ મહેસાણાના વતની અને સને 2003થી પાટડી સરકારી હોસ્પિટલમાં એમ્બ્યુલન્સના ડ્રાઇવર તરીકે ફરજ બજાવતા મહેશભાઈ જયંતીલાલ ધોબીને હોસ્પિટલમાં જ હાર્ટએટેક આવતાં ઢળી પડતાં મોત થયું હતું. જેમને નોકરીના બે વર્ષ જ બાકી હતા.
ડ્રાઇવર મહેશભાઈ ધોબી પેટમાં ગેસ જેવું લાગતાં હોસ્પિટલમાં ડોક્ટરને બતાવવા ગયા હતા. ત્યાં દવા અને ઈન્જેકશન લીધા બાદ હોસ્પિટલમાં જ હૃદયરોગનો હુમલો આવતાં ત્યાં જ ઢળી પડ્યા હતા. તેમના મોતને પગલે હોસ્પિટલના ડોક્ટર સહિતનો તમામ સ્ટાફ એકઠો થઇ ગયો હતો. તેઓ પત્ની સાથે પાટડી સરકારી હોસ્પિટલના ક્વાર્ટરમાં જ રહેતા હતા. સંતાનમાં એક દીકરી છે, જે સિવિલ એન્જિનિયર છે એનાં લગ્ન થઇ ગયા છે. એમના પરિવારજનો મહેસાણાથી આવતાં પોસ્ટ મોર્ટમ બાદ પાર્થિવદેહને વતન લઇ જવાયો હતો.