30 મિનિટની તપાસ બાદ સબ સલામતનું તારણ
ગઇકાલે વ્હાઇટ હાઉસના નોર્થ લોનમાં એક અજાણ્યા વ્યક્તિએ સેલ ફોન વાડ પર ફેંકી દેતાં હોબાળો મચી ગયો હતો. આ ઘટના પછી, યુએસ સિક્રેટ સર્વિસે તાત્કાલિક લોકડાઉન લાગુ કર્યું અને ત્યાં હાજર પ્રેસ કર્મચારીઓને ઉતાવળમાં જેમ્સ એસ. બ્રેડી બ્રીફિંગ રૂૂમમાં લઈ જવામાં આવ્યા. લગભગ 30 મિનિટ ચાલેલી તપાસ બાદ, સિક્રેટ સર્વિસે પુષ્ટિ આપી કે ફેંકવામાં આવેલું ઉપકરણ એક સામાન્ય સેલ ફોન હતું, જે ખતરો હોવાનું જણાયું ન હતું. આ પછી લોકડાઉન હટાવી લેવામાં આવ્યું અને પરિસ્થિતિ સામાન્ય થઈ ગઈ.
સવારે લગભગ 11:30 વાગ્યે (ET), સિક્રેટ સર્વિસને નોર્થ લોન પર શંકાસ્પદ વસ્તુ ફેંકવામાં આવી રહી હોવાની માહિતી મળી. ત્યારબાદ સિક્રેટ સર્વિસ તરત જ સક્રિય થઈ ગઈ. શરૂૂઆતમાં તે જાણી શકાયું ન હતું કે ફેંકવામાં આવેલી વસ્તુ શું હતી. આને કારણે, પેન્સિલવેનિયા એવન્યુ બંધ કરી દેવામાં આવ્યું હતું
અને પ્રેસ કર્મચારીઓને સુરક્ષિત સ્થળે લઈ જવામાં આવ્યા હતા. તે સમયે પ્રેસ કર્મચારીઓ શિક્ષણ સચિવ લિન્ડા મેકમોહન સાથે અનૌપચારિક પ્રેસ કોન્ફરન્સ માટે નોર્થ લોન પર રાહ જોઈ રહ્યા હતા.