હાલમાં હેલ્થ અને ટર્મ ઇન્શ્યોરન્સ પર GSTમાં કોઈ ઘટાડો કરવામાં આવશે નહીં. જીવન વીમા અને આરોગ્ય વીમા પર GST ઘટાડવાની દરખાસ્ત આગામી બેઠક પર મુલતવી રાખવામાં આવી છે. GST કાઉન્સિલની બેઠકમાં ટર્મ ઈન્સ્યોરન્સ, લાઈફ ઈન્સ્યોરન્સ અને હેલ્થ ઈન્સ્યોરન્સ પર ટેક્સ ઘટાડવાનો પ્રસ્તાવ રાજ્યોના વિરોધને કારણે મોકૂફ રાખવામાં આવ્યો છે. કાઉન્સિલે મંત્રીઓને આનો વધુ અભ્યાસ કરવા જણાવ્યું છે.
GST કાઉન્સિલની 55મી બેઠક શનિવારે સવારે લગભગ 11 વાગ્યાથી કેન્દ્રીય નાણા મંત્રી નિર્મલા સીતારમણની અધ્યક્ષતામાં જેસલમેરમાં મળી હતી. બિહારના નાણામંત્રી સમ્રાટ ચૌધરીએ કહ્યું- વીમા પર GST ઘટાડવાનો પ્રસ્તાવ આગામી બેઠક સુધી સ્થગિત કરવામાં આવ્યો છે. આજે બે તબક્કામાં બેઠક યોજાઈ રહી છે.
મીટીંગમાં લેવાયેલા નિર્ણયો મુજબ મીઠું અને મસાલાવાળા પોપકોર્ન પર 5% GST લાગશે, પ્રી-પેકેજ પોપકોર્ન પર 12% GST દર હશે અને કારામેલ-કોટેડ પોપકોર્ન પર 18% ટેક્સ લાગશે.
ફોર્ટિફાઇડ રાઇસ કર્નલ્સ બાબતે અંતિમ વપરાશને ધ્યાનમાં લીધા વિના, અગાઉના 18% થી ઘટીને GST દર 5% પર પ્રમાણિત કરવામાં આવ્યો હતો.
ઓટોક્લેવ્ડ એરેટેડ કોંક્રીટ (અઈઈ) બ્લોક્સને લાગેવળગે છે ત્યાં સુધી 50% થી વધુ ફ્લાય એશ ધરાવતા અઈઈ બ્લોક્સ પર હવે 18% થી ઘટાડીને 12% GST લાગશે.
કાઉન્સિલે નાની પેટ્રોલ/ડીઝલ વાહનો અને ઇલેક્ટ્રિક વાહનો સહિત જૂની અને વપરાયેલી કારના વેચાણ પરનો GST અગાઉના 12%થી વધારીને 18% કરવાની મંજૂરી આપી છે.