મહાદેવ ઓનલાઈન બુક એપના સહ-સ્થાપક રવિ ઉપ્પલ વિશે એક મહત્વપૂર્ણ માહિતી બહાર આવી છે. સૌરભ ચંદ્રાકર સાથે મળીને ગેરકાયદેસર સટ્ટાબાજી દ્વારા હજારો કરોડ રૂૂપિયાની છેતરપિંડી કરવાનો આરોપી રવિ ઉપ્પલ ગાયબ થઈ ગયો છે.
ઇન્ટરપોલ રેડ નોટિસ બાદ ડિસેમ્બર 2023 માં દુબઈમાં ધરપકડ કરાયેલ ઉપ્પલ ગલ્ફ દેશમાંથી કોઈ અજ્ઞાત સ્થળે ભાગી ગયો છે, એમ અધિકારીઓએ જણાવ્યું હતું.
UAE અધિકારીઓએ ભારતને તેના એક્ઝિટ રૂૂટ અથવા ડેસ્ટિનેશન વિશે જાણ કરી નથી, પરંતુ પ્રત્યાર્પણ પ્રક્રિયા બંધ કરવાની શરૂૂઆત કરી છે.
રવિ ઉપ્પલનું ભાગી જવું એ કેસની તપાસ કરી રહેલી એજન્સીઓ માટે એક આંચકો છે. આનાથી ED, CBI અને છત્તીસગઢ પોલીસ માટે ચિંતા અને પડકાર વધી ગયો છે, આરોપીઓને ન્યાય અપાવવાનું અને છેતરપિંડીના લાખો પીડિતોને ન્યાય અપાવવાનું કામ સોંપવામાં આવ્યું છે.