રાજકોટના નવા કલેક્ટર ડો. ઓમ પ્રકાશ દ્વારા ચાર્જ સંભાળ્યા બાદ આજે પ્રથમ વખત EVM વેરહાઉસની મુલાકાત લેવામાં આવી હતી. આ મુલાકાત દરમિયાન તેમની સાથે જિલ્લા ચૂંટણી અધિકારી એન. કે. મુચ્ચર સહિતના અન્ય ઉચ્ચ અધિકારીઓ પણ હાજર રહ્યા હતા.
કલેક્ટર ડો. ઓમ પ્રકાશે વેરહાઉસમાં રાખવામાં આવેલા EVM મશીનોની સ્થિતિનું નિરીક્ષણ કર્યું હતું અને તેની સુરક્ષા વ્યવસ્થા અંગે માહિતી મેળવી હતી.આ મુલાકાત દ્વારા કલેક્ટરે EVM વેરહાઉસની કાર્યપદ્ધતિ અને ત્યાંની વ્યવસ્થા અંગેની જાણકારી મેળવી હતી. આ નિરીક્ષણનો મુખ્ય હેતુ ભવિષ્યમાં યોજાનારી ચૂંટણીઓ માટે EVMની યોગ્ય જાળવણી અને સુરક્ષા સુનિશ્ચિત કરવાનો હતો.