રવિવારે એશિયા કપ 2025માં ભારત અને પાકિસ્તાન વચ્ચે રમાયેલી મેચ અંગે શિવસેનાના યુબીટી સાંસદ સંજય રાઉતે કહ્યું હતું કે પાકિસ્તાન ક્રિકેટ બોર્ડ (પીસીબી) ને આ મેચમાંથી 1000 કરોડ રૂૂપિયા મળ્યા હતા. તેમણે આરોપ લગાવ્યો કે આ મેચ ફિક્સ હતી અને 1.5 લાખ કરોડ રૂૂપિયાના જુગારમાંથી 50,000 કરોડ રૂૂપિયા સીધા પાકિસ્તાન ગયા હતા. રાઉતે સવાલ ઉઠાવ્યો હતો કે જ્યારે ભારત આંતરરાષ્ટ્રીય મંચો પર પાકિસ્તાનને આર્થિક મદદ ન મળવાની વાત કરે છે, તો પછી તેને પોતાને કેમ ફાયદો થઈ રહ્યો છે.
સંજય રાઉતે કહ્યું હતું કે તમે IMF અને એશિયન ડેવલપમેન્ટ બેન્કને પાકિસ્તાનને લોન ન આપવા કહ્યું કારણ કે તે આ પૈસાનો ઉપયોગ આતંકવાદ માટે કરશે. તેમણે વડાપ્રધાન નરેન્દ્ર મોદી અને ગૃહમંત્રી અમિત શાહના પુત્ર જય શાહ પર પણ ગંભીર આરોપ લગાવ્યા છે.
સંજય રાઉતે કહ્યું કે આ મેચનું આયોજન સરકારની બેશરમી છે, પછી ભલે તે દુબઈમાં રમાઈ હોય, અબુ ધાબીમાં હોય કે ટ્રમ્પ સ્ટેડિયમમાં. તેમણે પ્રશ્ન કર્યો કે શું આ મેચ મહિલાઓનું સિંદૂર પાછું લાવી શકે છે? રાઉતે ભૂતપૂર્વ ક્રિકેટર સુનીલ ગાવસ્કરની પ્રશંસા કરી કે તેમણે મેચનો વિરોધ કરવાની વાત કરી હતી, પરંતુ ભારત સરકારે પોતે જ પરવાનગી આપી હતી. રાઉતના મતે, આ સ્પષ્ટ કરે છે કે પાકિસ્તાન સાથે મેચ રમવાનો નિર્ણય સરકારની મરજીથી લેવામાં આવ્યો હતો. સંજય રાઉતના નિવેદનથી ભારત-પાકિસ્તાન મેચ અંગે એક નવી રાજકીય ચર્ચા શરૂૂ થઈ છે, જેમાં સરકાર પર રાષ્ટ્રીય હિત અને શહીદોની શહાદતને અવગણવાનો ગંભીર આરોપ મૂકવામાં આવી રહ્યો છે.