વિસાવદરના જાંબુડામાં દારૂના નશામાં યુવાન અગાશી પરથી પટકાતાં મોત

વિસાવદરના જાંબુડા ગામે ખેત મજુરી અર્થે આવેલો યુવાન બે દિવસ પૂર્વે રાત્રીના દારૂૂના નશામાં અગાસી ઉપરથી નીચે પટકાયો હતો. ગંભીર રીતે ઘવાયેલા યુવકનું સારવારમાં મોત નિપજતા પરિવાર શોકમાં ગરકાવ થઈ ગયો હતો.

આ બનાવ અંગે પોલીસમાંથી જાણવા મળતી વિગત મુજબ વિસાવદર તાલુકાના જાંબુડા ગામે ખેત મજૂરી અર્થે આવેલા રમેશ ખમ્માભાઈ ખાવરા નામનો 42 વર્ષનો યુવાન ત્રણ દિવસ પૂર્વે રાત્રીના અગિયારેક વાગ્યાના અરસામાં વિપુલભાઈની વાડીએ પહેલા માળે હતો. ત્યારે દારૂૂના નશામાં નીચે પટકાયો હતો. યુવકને ઈજા પહોંચતા તાત્કાલિક સારવાર માટે વિસાવદર અને જૂનાગઢ બાદ રાજકોટ સિવિલ હોસ્પિટલમાં ખસેડાયો હતો.

જ્યાં તેનું મોત નીપજતા પરિવારમાં ગમગીની છવાઈ જવા પામી હતી.આ ઉપરાંત અન્ય બનાવમાં જેતપુરના પાંચ પીપળા ગામે રહેતા ગોરધનભાઈ રવજીભાઈ બગડા નામના 35 વર્ષના યુવાને કોઈ અગમ્ય કારણસર ઝેરી દવા પી લીધી હતી. જ્યારે શાપરમાં આવેલા ગણેશનગરમાં રહેતા નિલેશ ભુરાભાઈ રાઠોડ નામના 22 વર્ષના યુવાન અકળ કારણસર એસિડ ગટગટાવી લીધું હતું. આપઘાતનો પ્રયાસ કરનાર બંને યુવકને ઝેરી અસર થતા તાત્કાલિક સારવાર માટે રાજકોટ સિવિલ હોસ્પિટલમાં દાખલ કરવામાં આવ્યા હતા. ઉપરોક્ત બનાવ અંગે પોલીસે નોંધ કરી વધુ તપાસ હાથ ધરી છે.