ગુજરાત
લલુડી વોકળી અને સહકાર રોડ એપાર્ટમેન્ટમાં જુગારનો દરોડો, 12 જુગારીઓ ઝડપાયા
શહેરની ભક્તિનગર પોલીસે લલુડી વોકળી રામાપીર ચોક પાસે અને સહકાર મેઇન રોડ વિનાયક એવન્યુના ચોથા માળે જુગારના દરોડા પાડી 12 શખ્સોને ઝડપી કુલ 32 હજારનો મુદામાલ જપ્ત કર્યો છે.
મળતી વિગતો અનુસાર, લલુડી વોકળી પાસે ખુલ્લી જગ્યામાં જુગાર રમાતો હોવાની બાતમી મળતા ભક્તિનગર પોલીસનાં દિલીપભાઇ બોરીચા અને મનીષભાઇ ચાવડાએ દરોડો પાડી જુગાર રમતા જલીલ મુનીજ શેખ, શફીક સરીફ શેખ, રફીક બાબુ શેખ, ગુડુ યુસુફ શેખ, જાહીદ મોહમદ અજીજ સૈયદ અને રાજુ અલીરજા શેખને ઝડપી 10620નો મુદામાલ જપ્ત કર્યો હતો.
બીજા બનાવમાં સહકાર મેઇન રોડ શ્રીનગર સોસાયટી વિનાયક એપાર્ટમેન્ટમાં જુગાર રમતા સુરેશ વિઠલ મદાણી, પિયુષ જેન્તી મહેતા, જયેશ નટુ બગડાઇ, મહેશ વજુ દોશી, અલ્તાફ રહીમ પાધરસી અને સદરૂદીન કાસમ કારાણીને ઝડપી તેમની પાસેથી 22530નો મુદામાલ જપ્ત કર્યો હતો.