હમીરપુર અકસ્માત: ઉત્તર પ્રદેશથી એક દુ:ખદ ઘટના સામે આવી છે જ્યાં સોમવારે રાત્રે એક ટ્રક ઓમ્ની વાન સાથે ટકરાઈ ગયા બાદ ચાર લોકોના મોત અને ત્રણ અન્ય ઘાયલ થયા છે. આ દુ:ખદ ઘટના ત્યારે બની જ્યારે ટ્રક નારૈચ રોડ પર ઓમ્ની કાર સાથે ટકરાઈ. હમીરપુરથી મહોબા જિલ્લા જઈ રહેલી કારમાં સાત મુસાફરો સવાર હતા જેઓ લગ્ન સમારંભમાં હાજરી આપવા માટે મહોબા જઈ રહ્યા હતા. હમીરપુરના ડીએમ અભિષેક ગોયલના જણાવ્યા અનુસાર, ઘાયલોને તાત્કાલિક જિલ્લા હોસ્પિટલમાં ખસેડવામાં આવ્યા છે અને તેમની સારવાર ચાલી રહી છે. મૌદહામાં, એક ટ્રક એક વાહન સાથે અથડાઈ જેમાં સાત લોકો સવાર હતા, બધા હમીરપુર જિલ્લાના વિવિધ ગામોના હતા.
બધા લોકો મહોબામાં લગ્નમાં હાજરી આપવા જઈ રહ્યા હતા. ટક્કરને કારણે, ચાર લોકોના મોત થયા છે, અને ત્રણ ઘાયલ થયા છે, જેમને અમે જિલ્લા હોસ્પિટલમાં રિફર કર્યા છે… ટ્રક ડ્રાઈવરની ધરપકડ કરવામાં આવી છે, અને જરૂૂરી કાર્યવાહી કરવામાં આવી રહી છે, હમીરપુરના ડીએમ અભિષેક ગોયલે જણાવ્યું. “વાહનમાં સવાર સાત લોકોમાંથી ચાર લોકોના મોત થયા છે અને ત્રણ ઘાયલ થયા છે… ટ્રકને જપ્ત કરવામાં આવી છે, ટ્રક ડ્રાઈવરને કસ્ટડીમાં લેવામાં આવ્યો છે, અને આ મામલે કાર્યવાહી કરવામાં આવશે,” એસપી પાઠકે એએનઆઈને જણાવ્યું. સોમવારે રાત્રે હમીરપુરમાં નેશનલ હાઈવે 34 પર માર્ગ અકસ્માત થયો હતો. લગ્નમાં ગયેલા ચાર મહેમાનોના ઘટનાસ્થળે જ મોત થયા હતા અને ત્રણ અન્ય ગંભીર રીતે ઘાયલ થયા હતા. ઘાયલોને મૌદહા સેન્ટ્રલ હેલ્થ સેન્ટરમાં દાખલ કરવામાં આવ્યા છે.
