મધ્યપ્રદેશમાં મશાલ સરઘસ વખતે આગ: 50 લોકો દાઝી ગયા

મધ્યપ્રદેશના ખંડવામાં મશાલ રેલી દરમિયાન આગ ફાટી નીકળી હતી, જેમાં 50થી વધુ લોકો ઘાયલ થયા હતા. આ ઘટના ગુરુવારે મોડી રાત્રે બની હતી. તેનો વીડિયો પણ સામે આવ્યો છે. આગ લાગતા નાસભાગ મચી ગઈ હતી.

ખંડવાના એસપી મનોજ રાયે જણાવ્યું – જ્યારે મશાલ રેલી શહેરના ક્લોક ટાવર પર પુરી થઈ રહી હતી, ત્યારે મશાલ મૂકતી વખતે કેટલીક મશાલો ઊંધી પડી ગઈ, જેના કારણે તેમાં રહેલ લાકડાંઈ નો વહેર અને તેલથી નજીકમાં પડેલી મશાલો ભભુકી ઉઠી. જેના કારણે ત્યાં એક ઘેરાવમાં ઉભેલા લોકો દાઝી ગયા હતા.જેમાં મહિલાઓ અને બાળકો પણ સામેલ છે.

લોકોના ચહેરા અને હાથ બળી ગયા છે. 30 લોકોને જિલ્લા હોસ્પિટલમાં લાવવામાં આવ્યા હતા. જેમાંથી 12 લોકોને દાખલ કરવામાં આવ્યા છે. બાકીનાને પ્રાથમિક સારવાર બાદ ઘરે મોકલી દેવામાં આવ્યા હતા.

ખંડવામાં રાષ્ટ્રભક્ત વીર યુવા મંચ દ્વારા હિન્દુત્વના નેતા અશોક પાલીવાલના નેતૃત્વમાં આતંકવાદ સામે યુવા જનમત માટે મશાલ રેલીનું આયોજન કરવામાં આવ્યું હતું. ગુરુવારે સાંજે ખંડવાના બારાબામ ચોક ખાતે આ કાર્યક્રમ યોજાયો હતો. 5 કલાક સુધી ચાલેલા આ કાર્યક્રમને હૈદરાબાદના ભાજપના ધારાસભ્ય ટી રાજા અને પશ્ચિમ બંગાળના ભાજપના પ્રવક્તા અને સુપ્રીમ કોર્ટના એડવોકેટ નાઝિયા ખાને સંબોધન કર્યુ હતું. આ કાર્યક્રમમાં 26/11ના આતંકવાદી હુમલામાં શહીદ થયેલા જવાનોને પણ શ્રદ્ધાંજલિ આપવામાં આવી હતી.

મશાલ રેલી મોડી રાત્રે 11 વાગ્યે શરૂૂ થઈ હતી. અડધા કલાક પછી, રેલી ઘંટાઘર ચોક પર પુરી થઈ હતી, તે દરમિયાન કેટલીક મશાલો મૂકતી વખતે ઊંધી થઈ ગઈ હતી. જેના કારણે આગ ફાટી નીકળી હતી. મશાલમાં જ્વલનશીલ સામગ્રી હતી. જણાવવામાં આવી રહ્યું છે કે મશાલમાં લાકડાનો ભૂકો અને કપૂરનો પાવડર હતો. જેના કારણે આગ વધુ ભભૂકી ઉઠી હતી. 50થી વધુ લોકો તેનાથી ઈજા થઈ છે. રેલીમાં એક હજાર મશાલો હતી. 200 જેટલી મશાલો સળગાવવામાં આવી હતી. આતંકવાદ વિરુદ્ધ યુવા જનમત માટે ગુરુવારે સાંજે ખંડવામાં એક મશાલ રેલીનું આયોજન કરવામાં આવ્યું હતું.