મલ્ટી પર્પઝ હેલ્થ વર્કર્સ (MPHW )ને લઈને ગુજરાત હાઈકોર્ટે મહત્વનો ચુકાદો આપ્યો છે. કોર્ટે MPHW કર્મચારીઓના હુકમના તિરસ્કારની અરજીમાં 2800 કર્મચારીઓને 1400 કરોડ રૂૂપિયાના વેતન અને અન્ય લાભો ચૂકવવાના નિર્દેશ આપ્યા છે. આ ચૂકવણી 3 મહિનામાં કરવાના આદેશ છે, જો ન થાય તો જવાબદાર અધિકારીઓ પર 25 હજાર રૂૂપિયાનો દંડ કરવાનો હુકમ કરાયો છે. આ ચુકાદો 2003થી 2012 સુધીની હંગામી ભરતીની નોકરીને સ્થાયી ગણીને કર્મચારીઓના હિતમાં આપવામાં આવ્યો છે. સરકારે આ ચુકાદા વિરુદ્ધ સુપ્રીમ કોર્ટમાં અપીલ કરી હતી, પરંતુ તે ફગાવવામાં આવી અને તિરસ્કાર પછી પણ ચૂકવણી ન થતા કર્મચારીઓએ હાઈકોર્ટમાં અરજી કરી હતી.
ગુજરાત હાઈકોર્ટના જસ્ટિસ એ.એસ. સુપેહિયા અને મૌના એમ. ભટની બેન્ચે MPHW કર્મચારીઓની અરજીમાં ચુકાદો આપ્યો છે. કોર્ટે જણાવ્યું કે 2003થી 2012 સુધી હંગામી ભરતીમાં જોડાયેલા 2800 કર્મચારીઓને તેમની સેવાને સ્થાયી ગણીને વેતન અને અન્ય લાભો આપવા પડશે. આમાં 1400 કરોડ રૂૂપિયાની રકમની ચૂકવણી 3 મહિનામાં કરવાના આદેશ છે. જો ન થાય તો જવાબદાર અધિકારીઓ પર 25 હજાર રૂૂપિયાનો દંડ કરવાનો હુકમ છે. કોર્ટે કહ્યું કે કર્મચારીઓના હિતમાં આ નિર્ણય છે, અને સરકારે વિલંબ કર્યો છે. હાઈકોર્ટે 2022માં પહેલો ચુકાદો આપ્યો હતો, જેમાં MPHW કર્મચારીઓને સ્થાયી વેતનના આદેશ આપ્યા હતા. સરકારે આ વિરુદ્ધ સુપ્રીમ કોર્ટમાં અપીલ કરી પરંતુ સુપ્રીમ કોર્ટે તે ફગાવી દીધી છે. તિરસ્કાર પછી પણ ચૂકવણી ન થતાં કર્મચારીઓએ હાઈકોર્ટમાં હુકમના તિરસ્કારની અરજી કરી હતી. કોર્ટે આ અરજીમાં તાત્કાલિક રાહત આપી અને 3 મહિનાની મહત્તમ મર્યાદા નક્કી કરી છે.