ગુજરાત
ટંકારામાં પિતા અને ભાઈ ઉપર ત્રણ શખ્સોનો હુમલો
ટંકારામાં લકીપર ચોકડી પાસે ભાઈ અને પિતા ઉપર ત્રણ શખ્સોએ ઝઘડો કરી ધોકા વડે હુમલો કર્યો હતો. હુમલામાં ઘવાયેલા પિતા-પુત્રને સારવાર માટે ખસેડવામાં આવ્યા હતાં.
ટંકારામાં લતીપર ચોકડી પાસે રહેતા કિશોરભાઈ દેવજીભાઈ સંચાણિયા ઉ.વ.60 અને તેનો પુત્ર ભાવેશ સંચાણિયા ઉ.વ.20 લતીપર ચોકડી પાસે હતા ત્યારે ભાવેશ સંચાણિયાના ભાઈ અજય, અનિલ અને પરેશ સહિતના શખ્સોએ ઝઘડો કરી પિતા-પુત્રને ધોકાવડે માર માર્યો હતો. હુમલામાં ઘવાયેલા પિતા-પુત્રને સારવાર માટે રાજકોટ સિવિલ હોસ્પિટલમાં ખસેડવામાં આવ્યા હતાં. પ્રાથમિક પુછપરછમાં ભાવેશ સંચાણિયા અને હુમલાખોર તેના ભાઈઓ વચ્ચે ઝઘડો થતાં પુત્રોના ઝઘડામાં વચે પડેલા કિશોરભાઈ સંચાણિયા અને ભાવેશ સંચાણિયા ઉપર ત્રણેય ભાઈઓએ હુમલો કર્યો હોવાનો આક્ષેપ કરવામાં આવ્યો હતો.