એમએસ ધોની અને ચેન્નાઈ સુપર કિંગ્સ વચ્ચેના સંબંધો IPL ઈતિહાસની સૌથી સફળ અને સૌથી જૂની ભાગીદારીમાં એક છે. જોકે એમએસ ધોની IPL 2026 માં એક પણ મેચ રમ્યો ન હતો, પરંતુ તે ટીમની છેલ્લી ઘરઆંગણેની મેચમાં દેખાયો હતો. જોકે, હવે અહેવાલો સામે આવી રહ્યા છે કે આ લાંબા સમયથી ચાલતી ભાગીદારી IPL 2026 પછી સમાપ્ત થઈ શકે છે. એમએસ ધોની અને ચેન્નાઈ સુપર કિંગ્સ વચ્ચેના સંબંધો અંગે એક ચોંકાવનારો દાવો કરવામાં આવ્યો છે.
એક અહેવાલ મુજબ, ધોની આગામી સિઝનમાં ચેન્નાઈ સુપર કિંગ્સનો ભાગ નહીં રહે. જ્યારે તેની IPL નિવૃત્તિની કોઈ સત્તાવાર પુષ્ટિ કરવામાં આવી નથી, ત્યારે એવું માનવામાં આવી રહ્યું છે કે જો તે આગામી સિઝનમાં રમી શકે છે, તો તે સંભવત: કોઈ અલગ ફ્રેન્ચાઈઝ માટે હશે. એવું કહેવામાં આવી રહ્યું છે કે 2026 સિઝનમાં ધોનીની ટીમમાંથી ગેરહાજરી ફક્ત ફિટનેસનો મુદ્દો નથી. સિઝનની શરૂૂઆતમાં તેને પગની પિંડીમાં ઈજા થઈ હતી, પરંતુ પાછળથી ટીમ કોમ્બિનેશન અને ફ્રેન્ચાઈઝની ભાવિ રણનીતિ પણ મુખ્ય પરિબળો બન્યા. રિપોર્ટમાં દાવો કરવામાં આવ્યો છે કે ચેન્નાઈ સુપર કિંગ્સ હવે યુવા ખેલાડીઓ સાથે નવી ટીમ બનાવવા તરફ આગળ વધવા માંગે છે.
એમએસ ધોની 2008 થી ચેન્નાઈ સુપર કિંગ્સ સાથે છે. જ્યારેCSK લીગનો ભાગ નહોતું, ત્યારે તે ફક્ત બે સિઝન માટે બીજી ટીમ માટે રમ્યો છે. એમએસ ધોનીની કેપ્ટનશીપ હેઠળ ચેન્નાઈ સુપર કિંગ્સે પાંચ વખત IPLનો ખિતાબ જીત્યો છે. તેણે ટીમને બે ચેમ્પિયન્સ લીગ ઝ20 ટાઈટલ પણ અપાવ્યા હતા. તેથી, જો ધોની ભવિષ્યમાં બીજી IPL ટીમ માટે રમતો જોવા મળે છે, તો તે ક્રિકેટ ચાહકો માટે ખૂબ જ ભાવનાત્મક ક્ષણ હશે.
